أنا وبنتـــــــي سالفتنا ســــالفه

@am_tyf_l

كيفكم حــــــبوبــــات
^^

^^

^^

هذا الله يسلمكم أنا وبنتي الله يصلحها معااارك طاحنه كل صبح :09:

والسبب شعرهاااا :3_2_21v:
آخر سالفه اليوم الصبح
قالت لي البارح ابيك تسوين لي زي ماسويتي لإختي أمس
كان عند أختها حفلة تخرج وسويت لها تسريحه وطلعت كييييوت
قلت لها طيب مافيه مناسبه عندك بسوي لك شي يناسب يوم دراسي وإذا صار يوم شهادتك سويتها لك وأنا وياهااا :angry2:
لحد ما إقتنعت
بعدين قمت وجبت اللاب وطلعت تسريحه نعووومه وماكد سوتها وقلت لها خلاص بنسوي هذي
جاء الصبح وسويتها لها قالت لا منتفشه من هالجهه ماظبطتيها
وأنا أفكها وأضيف لها جدايل صغيره على الجنبين وأربطها قالت لا ما أبي جدايل كني تكرونيه مع أنها طالعه والله مره أنييييقه
أنا هنا شوي وأذبحها :mad:
قلت شوفيها زين بالمرايه والله حلوه قالت لاما أبي وتقعد تحلطم

قلت تعالي انتي وشوشتك هاللي غربلتيني عشانها
وش أسوي لك الحين قالت خلاص حطي ذيل مرفوع وبس
وأنا أفك التسريحه وأحط لها ذيل وأقولها لاعاد تقولين لي مشطي شعري أبد

بنتي الحين بسادس يعني السنه الجايه إن شالله بالمتوسط
وأنا الصراحه مليت من شعرها وتمشيطه مايعجبها العجب وماتقتنع باللي أسويه لها وقررت إني أخليها تسويه بنفسها ماعلي منها مع إنها تقول ماأعرف ومدري أيش بس خلاص مالي شغل فيها


هاه وش رايكم يابنات بقراري ومتى بناتكم إعتمدوا على نفسهم بتمشيط شعورهم
وإذا عندكم معارك عشان هالشوشه إسدحوها هنا

وتوته توته خلصت الحدوته
أنتظركم لاتطولون :26:

50 تعليق 4,272 مشاهدة

0 0

شاركي في النقاش

سجلي الدخول لإضافة تعليق.

التعليقات

50

  1. @albrnsys_11_1

    ههههههههه الله المستعان على هالجيل
    الله يحفظها لك ويهديها يارب انا بنتي بعدها صغيره بس اذا كبرت
    الله يعيني عليها

  2. @byt_osfr

    ههههههههههه والله اقرا موضوعك وانا انادي بنتي بمشط لها مو راضيه بس تفك الربطات حقتها جننتني وانا ماحب شعرها يكون الا ممسكوك ببكلات احسه وهو مفتوح يضااااايقني مع ان قصييير هي عمرها 3 سنوااات جننتني على هالشعر من اول ماتصحى لين ماتنام وحنا مضارباات

  4. @rmah_rdyny

    قبل ماتخلينها تعتمد على نفسها علميها كيف تمشط شعرها وتربطه بطريقة صحيحة بعدين اتركيها تسويه بنفسها لأني الآن صايرة أشوف بنات المتوسط بالمدرسة الوحدة منهم شعرها منفوش كأنها صاحية من النوم وحاطة عليه شباصة!!!!بشكل عشوائي وفوضوي..
    ماأدري هل هي موضة؟!
    ولاأناقة؟ولا كسل مستفحل؟!
    ولامطيحين الميانة بينهم وبين المدرسة؟
    ولا قِلة أمشاط في هالديرة؟!
    الله يهدينا أجمعين

  5. @gnon_anth_14

    خليهآ تعتمد ع نفسسهآإ

    انا من 6 وانا آمششط بروحي .> هع

    وربي لو تشوفين بنآت المتوسط هالأياام .. مآتصدقين

    كل يوم أستشوآر وكل يوم لف وحركآت وتساريح

    والموضه زي ماقالت خيتو رماح يلفون شعرهم عشوآئي بس وربي آحسها كششخه ..

    المهم

    خليهآ تعتمد ع نفسها لاتجننكي في المتوسط تقعدين كل يوم ع الأستشوار هع

    .
    .

تابعي تجارب أخرى من هذا القسم.