ازيكم يا احلى بنات وحشتونى كتيييييييييير بس انا مشكلتى انى كسولة فى الكتابة اوى بكتب المشاركة فى اكتر من نص ساعة
فسامحونى على غيابى الفترة الى فاتت
المهم الف مبروك لفاطمة سمع النبض عقبال ما تمى شهوك على خير يا حبيبتى وتفرحى بيه سليم معافى فى حضنك يا جميل
توتا الحمد لله يا حيبتى انك اطمنتى وخلي بالك بقى من نفسك ومن البييهات وما تبذليش اى مجهو د يا جميل وانا اعرف واحدة على فكرة المشيمة عندها كانت تحت وبينزل عليها بعد الشر عنك دم كتير بس على ما دخلت الخامس المشيمة رفعت والدم وقف الحمد هى فى منتدى تانى بس حبيت اطمنك اهم حاجة تلتزمى بس بالراحة يا حبيتى
بندقة الحمد لله انك نفدتى من حكاية المنظار دى اصله متعب اوى المهم ان شاء الله خطوات العمليه بتاعتك تتيسر وتبشرينا بحملك قريب يا حبيبتى والله هافرحلك اوى يا بدوقة اصلك طيوبة اوى ربنا يفرح قلبك يا رب
وكويس انك طمنتينا على مصرية ربنا يباركلها فى بويضاتها ويتلقحو با حسن اجنة وتبشرنا بحملها كمان اسبوعين يارب
مرمر مبروك يا حبيتى على التلقيح ربنا يكرمك وتيجى تفرحينا بخبر حملك كمان اسبوعين خلى بالك منك وكترى الاستغفار وقراءة القران وان شاء الله تكونى حامل يارب
ام اياد انت فين يا حبيبتى طمنينا عليكى وعلى اياد يارب يكون بقى كويس دلوقتى
بوبا ازيك يا جميل بسم الله ما شاء الله انس شكله شقى وعثولة خالص ربنا يبارك فيه يارب
املى توام كويس يا حبيبتى انك قررتى تعملى متابعة تبويض ان شاء الله تحملى بسببها وما تحتاجيش عمليات يا حبيبتى انا بقى استهبلت الشهر دة اخدت كلوميد من غير ما اتابع ولا اخد حقنة تفجيرية ما ليش نفس اروح لدكاترة هنا ربنا يسترها بقى
وبالنسبة للانيميها الحمد لله انتها اتحسنت بس خلى بالك بقى ما تاخديش حبوب الحديد او اكل غنى بالحدي مع لبن لان الكالسيوم بيمنع امتصاصه وخدى معاه فيتامين سى او لمون وبرتقال لانه بيسهل امتصاصه يا حبيبتى ان شاء يتظبط على ما تيجى تعملى المتابعة
امل الامومة ازيك يا حبيبة شهر سته قرب اهو ان شاء الله تنزلى مصر وترجعى منها حامل مجبورة الخاطر يا كريم
دوعة اخبارك ايه واخبار النونو ايه يا ترى عاملة ايه فى المتابعة الدكتور كويس ولا اى كلام يارب يتملك على خير يا حبيبتى
شيمولاتا ربنا يفرجه عليكى ويوسع رزقكم ان شاء الله ماتشليش هم الفلوس ربنا هيدبرها من عنده باذن الله ويارب تبشرينا بحملك قريب يا حبيبتى معلش ما عنديش فكرة عن الحقن مش هقدر افيدك البركة بقى البات
مهاميهو مختفية ليه يا حبيبتى وحشتينا
نيفو طلتك على الملف بتنوره يارب تفضلى دايما معانا وان شاء الله يا حبيبتى تبشرينا بحملك قريب
عزيزة اخبارك واخبار النونو ايه يارب يكون الضغط اتظبط معاكى وان شاء الله ربنا يتملك شهورك على خير هانت الشهور بتعدى هوا
ميكو ازيك وازاى ما يا واخبار النونو ايه ربنا يكملك على خير
سلامى لكل البنات وربنا يفرحنا كلنا قريب ويرزقنا بالذرية الصالحة عاجلا وليس اجلا ان شاء الله
رب لا تذرنى فردا وانت خير الوارثين
ربنا هب لنا من لدنك ذرية طيبة انك سميع الدعاء
استغفر الله الحى القيوم الذى لا اله الا هو واتوب اليه
تجمع الموقنات برحمة الله(خبرات متبادلة حول مراكز العقم في مصر)الجزء 21
متابعة النقاش، صفحة 262