حسيت إن كلامي مب منظم راح أكتب لج على شكل نقاط
1- اكلي ثلاث وجبات في اليوم + وجبتين خفيفتين (مثلاً فواكهه أو شوية مكسرات نيئة وممكن قطعة كاكاو إذا ما تقدرين تستغين عنه)
2 - على الريق كلي فاكهه وبعدين فطري ونفس الشي العشا وعلى الغدا لاااااازم سلطة
3- خففي كمية أكلج للنص يعني مثلاً إذا كنتي متعودة تاكلين صحن كامل رز خليه نص الصحن مع الوقت راح تصغر معدتج ويصير حجمها طبيعي
تخيلي أمي وابوي صاروا ما يحبون ياخذوني المطاعم لأني مستحيل أكمل الأكل اللي طلبته وأخسرهم على الفاضي ههه معدتي خلاص صارت ما تتحمل أكل وايد
4- شربي ثمانية أكواب ماي أو تقريباً لترين
5- إذا شبعتي وقفي أكل على طول مب تشحنين بطنج لدرجة الغثيان :09:
6- لعبي رياضة يومياً أو على الأقل خمسة أيام في الأسبوع لمدة نص ساعة على الأقل
7- خففي من الحلويات والكاكاو والمشروبات الغازية لأن السكريات تتحول لدهون والأفضل تاخذين سكريات طبيعية من الفواكه والعسل
8- لا تشوفين الميزان كل يوم عشان ما يصيدج إحباط والأفضل تنسين الميزان
لأن الوزن بسرعة يتغير إذا شربتي ماي يزيد وإذا رحتي الحمام الله يكرمج يقل يعني راح يرفع ضغطج
أو ممكن تشوفين وزنج مرة في الشهر
9- اقري كتب خاصة بالتغذية واااايد حلوة ومفيدة والأفضل بالانجليزي عشان يكون ثقافة وتقوية لغة وإذا تبين أسامي كتب حلوة قولي لي
وعلى فكرة أنا كان وزني 65 والحين 55 واتبعت بعض هالخطوات والحمدلله نزلت بدون ما أحس
بس أنا مشكلتي كانت الوجبات السريعة لأني في الجامعة كنت آكل من المطاعم شبه يومياً
طبعاً ماراح أقول إن وزني صار مثالي لا..لأني ليلحين آكل وجبات سريعة هههه وأعاني من سيلولايت وكرش وما أستمر على الرياضة
بس المهم إن وزني ثابت أحياناً يصير 56 لكن يرجع 55 والحمدلله ألبس مقاس سمول
لمن تبحث عن الجمال
متابعة النقاش، صفحة 306