بنات حواء ادعوووو لي وساعدوني بارائكم

السلام عليكم ورحمة الله وبركاتة
مشكلتي كبيرة يابنات تكفون
انا معلمة عمري 27 سنة وداخلة 28 سنة
مشكلتي ان كل ماطق بابي من خطاب انا وخواتي يررروح من حالة ولايتم موضوعه
المشكلة انا واخواتي شاكين ان احد ساحرنا لان زوجة عمي امرة لجات للسحر وفرقت عائلة عمي ودمرت عن طريق السحر بس هي بعيدة عننا مو بنفس دولتنا بعيدة ولاعمرنا شفناه
بس تكره ابوي بطريقة فظيعة شكينا انها ممكن مسوي شي لنا ورابطتة في ابوي رحنا لشخص وقال مافيكم شي يمكن في الشخص الكبير الي هو االوالد
والمشكلة رحنا لامراة تقراء القران قالت انتم معكم قرين هو الي مسبب تاخير الزواج قالت القرين هدا مايطلع الا بعلاج يكلف 2800 ريال تخيلوووااا
المشكلة انا اقدر ادفع بس خواتي تقول كل وحده علاجها لازم تشرية
والله يابنات نفسيتي تعبت
مشكلتي الثانية هي في اهلي وهالراتب والله ادفع وادفع ولامبين
الوالد يجرح في الكلام لما قلت له دايم ادفع يقولي انتي وش تسوين والله مااقصرت يابنات
حتى ان الولد اسلوبة قاسي في الكلام
لدرجة قلت يابوي لازم نراجع نقراء او نشوف يمكن مسوي لنا سحر
قال والله انتو الناس ماتبيكم لانكم عوووب كل الناس تعرفكم
انا ابي فراقكم اليوم قبل بكرة بالله وش رايكم يابنات تركتة وطلعت غرفتي وجلست ابكي بكاء قهر هدا ابونا يقول كدا وشلون الناس
ليش يابنات والله ماقصرت مع اهلي اي شي يبونة اجيبة هم يشوفون راتبي مو من حقي والله كل شي سويتة والله اقول هذذولي اهلي ماقصرووا والله ابوي عطاني ورباني ماقصر بس ليش الكلام الجارح والله تعبت ابوي متغير صاير يكرهني ماعاد يظيق اي كلمة
حتى الوالدة همها عيالها اما انا فلي ربي والله افكر اقول يااربي وش اسوي وين ارروح من الجا له من الجا والله يابنات والله اخدت فرض وشريت لابوي سيارة اشري واغير مع ان اخواني الشباب مايسووون شي
بقولكم موقف مرة الوالدة تعبت جدا دايم لما تتعب انا اوديها الدكتور وانا احاسب
مرة تعبت وداها اخوي وهو موظف ولاعمره سواء شي ولايعطي امي ولاابوي نهائي قالت حرام حط فلوسة ع علاجة حسيت من كلامها كانها تقول عطية سويت نفسي مافهمت قلت لها فدوة لك يااايمااا وش اسوي تعبت انصحووني علما اني اقوم الليل واصلي وادعي لاهلي واكثر من الاستغفار هل لو تزوجت ببتغير حياتي ولا بلقى زوجي يطمع في هالراتب وربي تعبت