الاجنبيات عندهم نفاس او احنا بس

اعرف وحده روسية متزوجه من قريب ليا تعرف عليها فترة دراسته نفاسها كان في بيتها في الرياض

لما زرتها لقيت عند راسها علبة فيتامينات وتشرب عصيرات وشوربة خضار بس

تقول الشرب افضل بداية النفاس

اتحطمت امي جايبه معاها تمروسمن وجريش رفضت تاكلة

تلاقينهم محافظين على الرياضه قبل الحمل واثناءه وبعده وهذا لحاله يقوي الجسم

واكلهم صحي

يعني اهم شي الاكل الصحي والمشروبات الدافيه

واللي يقولون خراب وغيره ماسمعت بهالكلمه الا عندنا يعني حريم العالم كله خربانات (ماتدخل العقل)

لو صحيح ماراحوا بعض الرجال يتزوجون من برا

-اتوقع بس حنا اللي دامر حالنا ومخلي نفاسنا اغربعين يووم علشان الخياطه تلتئم والخيوط تطيح وهم اساسا مايخيطووون يعني مايجرحون الوحده لاجات تولد يخلونها تتوسع من نفسها الا بحاله الضروره القصووى

كلامك صحيح الا بنقطه وحده اكلهم مو صحي بالمره يشربون الغازيات بكثره وعايشين عالوجبات السريعه
ويكثرون كوفي واللحم مو صحي مو مذبوح صح ويحبون السكريات والمعجنات احس أكلنا احسن منهم لو
بس المرقوق والجريش والايدامات والتمر بس مشكلتنا بالرياضة والاعتماد على الخدم

ترى عندهم اكلات ومشروبات صحيه عندهم ترى حتى الخيار يعصرونه ويشربونه مثل العصير وبرضو الشعير ويسووون شي مثل الهريس بالشعير والفيتامينات معروفين فيها