شاركي في النقاش

سجلي الدخول لإضافة تعليق.

التعليقات

372
  1. كل حريم العالم كذا وما تشكوا
    واللي ما تبي الشغالة هي حرة وانا وحدة منهم راحة نفسية تخليني انسا التعب والكرف وشغل البيت واجبي تجاه اسرتي كيف انتظر انه زوجي يهنيني ويسعدني وانا مقصرة معاه او كيف انتظر ابني يبر فيا وانا حتى قومة الصبح ما اقول والشغالة اللي تجهز له فطوره وتحممه
    ايش استفيد من شغالة عينها على كل شيء عندي او عينها اقعد اراقبها طول الوقت سوت قالت كلمت طلعت لزوجي او اسوي استنفار اذا جت تسافر واكشف حتى عورتها عشان ما تكون مخبية شيء منا ولا مني تسويلي فيه سحر وغيره من حركات الحريم

    واذا لا سمح الله جا اليوم اللي تعبت او احتجت اجيب بالساعة تخلص شغلها وتروح
    وترى زوجي يساعدني ويطبخ ويدرس عياله وحتى يغسل اذا شافني تعبانة او ما لي خلق لانه يشوفني اتعب ويقدر هالتعب
    الحياة مساعدة وحتى اللي زوجها ما يساعدها ممكن تخلص كل شغلها ويبقى عندها وقت لنفسها بشوية ترتيب بس عاد قلة السنع والكسل عند البعض تخلي الوحدة تستثقل حتى ترتب غرفتها وتنادي ميري ولا ناني ترتب عنها وتحمم عيالها وتغسل ملابس زوجها ما بقى عند بعض الحريم غير تقولها تعالي همزي رجول زوجي وظهره لانه بابا جاي تعبان وبعدين يجون يشتكون
  2. @bonds

    شوفي يالغالية انا معك ان الشغالات جدا مريحات وانا عندي شغالة بس والله انها تعب نفسي مدري هذا احساسي احيانا عينها فيك وتترزز عند زوجك كل شوي وتتميلح بالكلام احيانا من وراء ستار يعني ترفع ضغطك بس انها فعلا شر لابد منه ع قولة العضوة اللي قبلي وحاولت استغني عنها ودخلت قسم التنظيم واستفدت من جد بس تعبت ولاقدرت الحق ع شي وفي الاخر اهملت نفسي لان عزايم زوجي كثير واهله دايما عندي وعندي اطفال وطلبات زوجي كثيرة وخرجاتنا اكثر فصعب الاستغناء عنها او بالاصح مستحيل افكر استغني عنهاااا
    ومن القلب اهني اللي مامعها شغالة وحابة بيتها وقادرة ع الالمام بشغله وماتنسى نفسها وفي المنتدى عضوات رائعات بمعنى الكلمة يحطون يدهم ع يدك ويساعدون اللي تبي جداول للترتيب والتنظيف اسبوعي وشهري ويومي يعني شي يثلج الصدر واكيد اللي بيوتهم صغيرة شقق ما اعتقد ينفع وجود الشغالة وهاذي جارتي ما عندها شغالة وبيتها ماشالله انظف من بيوتنا وريحته خيال وتهتم بنفسها قولو ماشالله وعيني عليها باااااااردة ماشاءالله تبارك الله وفي بيتها راحة نفسية كبيرة
  3. @lmar_07

    ياليت عندي شغاله اصلا من نعيم اهل الجنه ان عندهم خدم اللهم اني اسالك الجنه وماقرب اليها من قول وعمل ,,,,,,,,,,,, مشكوره على الموضوع

تابعي تجارب أخرى من هذا القسم.