ناقصات عقل ودين

السلام عليكم ورحمة الله وبركاته
كيفكم حوائيات
اليوم انا مرتفع ظغطي لابعد درجه والسبب كنت جالسه مع زوجي ويكلم واحد من اصحابه وحاطه على الاسبيكر سأله صاحبه بتخرج معانا اليوم العصر ؟
رد زوجي لا والله بخرج اهلي يتمشون بوديهم للمكان الفلاني هم طالبين يروحون له .
قاله صاحبه ياخي الحريم ناقصات عقل ودين خذها وديها في اي مخطط وخذلها تميس وعدس وبعد العشاء قولها يازين الخرجه مررره حلوه وردها للبيت انا اسوي كذه ومريح راسي !!!!!!!!!!!!!
انا جالسه قدام زوجي وشافني كيف تضايقت من كلامه وقله ياشيخ خاف الله في عيالك وروح خرجهم المهم سكر الخط وخرجنا واحنا في السياره من حرقتي سألت زوجي قلتله ايش رايك ايش معنى ناقصات عقل ودين قال معناها عقل الحريم خفيف !!!!
انا مسكت نفسي بالقوه وقلت حسبي الله ونعم الوكيل


هي بالله ايش رايكم زوجي وصاحبه جامعيين قسم شريعه والله اني محروق دمي واحس اني مجروحه من الكلمه الحديث مرره مو معناه كذه وهمه ماخذينه على اساس اننا هبل وعقلنا نص عقلهم

6 تعليق 797 مشاهدة

شاركي في النقاش

سجلي الدخول لإضافة تعليق.

التعليقات

6
  1. @abdaaa_fny

    انا انقهرت من كلام صاحبه خليك انتي اللي سمعتيه وليش ماشرحتي لزوجك معنى ناقصات عقل ودين انا مرة زوجي قالها على طول شرحت له المعنى وهو بطل يعيد هالكلام اعتقد خاف من حصة الشريعة اللي بيسمعها مني و يا حلوة لا تعصبين هم كذا حاطين فبالهم اننا مغفلات انتي طنشي ولا تعيدين السالفة لريلج عشان ما يحسب انها نقطة ضعف و يعيد يسولك الحركة مزاح طبعا
  2. عزيزتي الغاليه
    الانسان بطبعه يسير وفق الهرمونات التي اوجدها الله فيه وهذه الهرمونات تتحكم بها طبائع الجسم وتقلباته البيولوجبه والتي هي خارجه عن تحكم الانسان ومهما حاول الانسان ان يضبط نفسه تتغلب عليه طبائع هذه الهرمونات لانها ليست بيده ومنها مثلا عندما نزعل تتغير هرموناتنا وعندما نفرح تنعدل هذه الهرمونات وعندما نبكي او نضحك او نمرض او نخاف كذلك تتقلب هذه الهرمونات بشده وقت الدوره بحيث تصبح الانثى فاقده لطبيعه التحكم بذاتها وبتصرفاتها وافعالها بالاضافه على انه وقت الدوره او الولاده تسقط عنها احكام شرعيه مراعاه لظروفها وتخفف عنها احكام في الامور القضائيه طبعا عند من ينتهجون طريق العداله واحترام حقوق الانسان
    اما عند المستهترين فهم يعيرونها بقساوه وبلا رحمه او احترام وفي الحقيقه هم ناقصين عقل ودين وتهذيب
    لذا لاعليك تسقط الاحكام بامر الله وتنعمين بالاجر والثواب لانه خارج عن الاراده وهم يتحملون الاوزار والسيئات لانهم استهترو واستهزأو بايديهم وبقصر نظرهم وبقله عقلهم
  3. @mlak_sdyr

    ناقصة دين لانها وقت الدوره والنفاس ماتصلي ولاتصوم
    ناقصة عقل لان المراءه عاطفيه وتحكم ع الامور بقلبها اغلب الاوقات اكثر من عقلها
    ياشين الرجال لافهموا الاحاديث النبويه والدين ع مزاجهم
  4. @lmoshh_almnfoshh

    هاذا هم الرجاجيل- كل شي فسرونه حسب مزاجهم واللي يشوفونهم هم صح حتى لو كان خطأ- حتى لو كان بالدين- ومنهم من يقول الدين محلل الرجال يتزوج اربعه وهو ليته بس يصلي الخمس الفروض بس-- انتي طنشي الكلام اهم شي ان زوجك ماشي تمام معاك-
  5. @abeer_100_1

    صاحبة الموضوع
    قبل شوي فتحت تفسير الحديث الشريف للشيخ بن باز لان زوجي مره يحبه ويحترمه ووريته شرح الحديث وباسني على راسي وقال استغفر الله العظيم واعتذر
    وقلتله يفهم صاحبه قال مافيه امل ان صاحبه يفهم لانه تربى على هذا الاساس وقلي انه بكيفه ماعليه منه
    الله يعين زوجته المسكينه

تابعي تجارب أخرى من هذا القسم.