طبخات عالم حواء السنعات تكفوون ساعدوني ..انا بورطه ابي فزعتكم

يابنات انا بورطه ومتوهقه حيييييل ابي مساعدتكم :44::icon33:
ياطويلات العمر السالفه ومافيها ان الاربعاء الجاي بيجوني حمولتي واولهم ابو زوجي وعمانه وعيال عمه حوالي 15 رجال :arb:زين
وابو الشباب يقول ابيك تبيضين وجهي قدام الرجال اول مره يزورونا وانا بصراحه لي سنتين متزوجه اول مره يصير عندي عزيمه بهالعدد:09:وانا بالحالي ماعندي احد يساعدني ومحتاره ايش اسوي لهم:icon33:
الذبيحه اكيد من برا بس وش اقدم معها خاصه عمي معاه سكر ومايحب الدسم واجد فكرت بجريش لكن من زمااان ماسويته ونسيت شلون يضبط وقرصان ونوعين سلطه خضرا وسلطه زبادي ونوعين حلى يمكن ليالي لبنان وحلى الاناناس وفواكه ومشروبات غازيه
وبث
ومع القهوه بروح لتمريه واخذ صحن كبير تمر محشي مشكل واقدمه مع تمر ساده طبعا
مدري فكري مشوش وموعارفه انظم وقتي وافكاري وابي تعطوني نوعيه جريش مايطول بالطبخ وطريقته:44:

10 تعليق 3,079 مشاهدة

شاركي في النقاش

سجلي الدخول لإضافة تعليق.

التعليقات

10
  1. صاحبة الموضوع
    يالبيييييييييه ياعتيبيه كوووووووول الله يوفقك من جد استفدت من نصايحك وكان ودي ارد عليك بالخاص بس باقي ماوصلت ل50 مشاركه
    والله اني مرتبكه مرررره الله يجزاك خير على هالنصايح ماتدرين قد ايش اسعدتيني بردك واهتمامك :39:

    من جد انا حايسه ومتلخبطه لان هذي اول عزيمه :09: واخاف احوس ابو الدنيا :09:
    بسوي كل اللي قلتيلي عليه وبحاول اجيب شغاله باليوم تساعدني لان عندي بنت صغيره بس ازعاج تبيني دايم اشيلها وش رايك اسوي مع الجريش والقرصان محشي كوسا بالنسبه للحلى عندك طريقه تشيز كيك حلوه وسهله اهم شي مااحب الحلويات المعقده بعد اتشرط ههههههه
    ترى انا سنعه بالطبخ بس مدري وش جاني خاااااايفه تعرفين ماقد تحملت مسووليه احد واهتميت بضيافته الله يخلي لنا امهاتنا
    وان شاء الله اقولك وش يصير معي :27:
  2. مرحبا غاليتي,,
    جهزي من قبل بليله
    كريمه وجلي نوعين وحطيها بعلب بلاستيك وغطيها

    سوي مرقوق جيبي مراهيف من برا ..احس اضبط من الجريش
    وسوي لك سلطتين وحده يافتوش او بصل ابيض مع طماطم<<<شي يموتون عليه الرجال مع المفطح
    والسلطه الثانيه فيه اللي معه باذنجان وبطاطس مقلي مرررررره رايقه وتقدرين تهجزينه من الظهر بس ماتخلطينه مع بعض
    او سلطه اعواد البطاطا باطباق النخبه بعد تجهزينه من الظهر بس ماتخلطينه
    وسوي لك حلى قليل السكر بما انه فيه ناس ماتبي السكر
    وانتي عارفه التمر سوي بسبوسه بدون شيره
    وسوي مع المفطح سمبوسه ولفيها قبل لو يوم الاثنين بالليل وحطيها بالثلاجه وعندي لك حشوه مره زينه
    اول شي جيبي صدور دجاج بدون عظم واسلقيه بمويه
    وقت ماهي تسلق جيبي جزر وبالفرامه >>بزبز تعرفينه اللي تضغطينه وتشتغل
    وجيبي بقدونس وغسليه واقطعي شوي من عيدانه ثم بالفرااامه
    ثم افرمي بصله وحده وكشنيه وبهريه ثم افرمي الدجاج بنفس الفرامه
    وبعد خمس دقايق كبي عليه الجزر والبقدونس وقلبيه شوي وخليه على النار خمس دقايق
    ثم ابدي حشي
    حلوووووه وطعمه
    وجيبي ورق عنب معلب وصففيه بصحون هو والسمبوسه وغلفيه من العصر وارتاح
    ....
    ولاتنسييييييييين المفطح

    واذا هم راعين لبن او مشروبات او عصيراااات


    وربي يكووووووووون بعونك,,,واذا بغيتي شي على الخاص...
  3. @oayn_ant

    الله يعيينك شوفي حبيبتي سوي الجريش لان هوالمفضل عند الرجاجيل اذاصار فيه مفطح
    والسلطه العاديه الرجاجيل المفطح ينسيهم كل شي مع سلطه حاره الدقوس اوسلطة طماط مع بصل اخضر وجرجيرونعناع
    والحلى انصحك ياكريمه او قدرة قادر تقدرين تسوينها في الليل ودخلينها الثلاجه مع حلى المارس في كتاب ام عبدالعزيز
    والحريم دلعيهم بسلطات وورق عنب وملفوف فيه حريم تسوي وتبيع تخفيف لك وسمبوسه هذا كزاج الحريم وكذا سفرتك بتنأكل
    وابو الشباب بينبسط والله يسهل عليك وابدي من اليوم سوي سمبوسه وورق عنب اطبخيه ودخليه الفريز بس يوم العزيمه طلعيه وحميه واذا عندك وقت سوي محشي ودخليه الفريز

تابعي تجارب أخرى من هذا القسم.