السلام عليكم ورحمة الله وبركاته
كان لي تجربة مريرة مع مستشفى المشاري وحبيت احذركم من الدكتور قدسي لانه انسان ماتهمه الا الفلوس..
بقول لكم تجربتي وانتم احكموا بأنفسكم واشهد الله على كلامي هذا
انا كنت حامل بالشهر الثامن وجاتني حالة ولادة مبكرة ولما رحت لمستشفى قوى الامن قالوا انه مافيه أسرة ولذلك حولوني على مستشفى المشاري بسيارة اسعاف
المهم تولى حالتي الدكتور قدسي وماقصر اعطاني مهديء للطلق وقال انه كل ماتأخرت الولادة بيكون افضل للجنين وكلامه صحيح
بعدين قال لي انه عندك فقر دم ومايصير تولدي وانتي كذا وطلب مني اوقع ورقة نقل دم ووافقت
لحد الآن اللي صار طبيعي وممكن يكون فعلا صحيح فقر الدم اللي عندي خطير مع اني شاكه فيه!!
المهم مر الاسبوع الاول والثاني وانا اسأل الدكتور متى اطلع بعد ماستقرت حالتي قال بنسوي لك اشاعة علشان نعرف اذا تقدرين تولدين طبيعي او نسوي لك عملية ونريحك لانه زال الخطر وانتي دخلتي عالشهر التاسع
قلت اوكي بعد الاشعة جاني وقال انتي ماحتقدري تولدي طبيعي لان الحوض عندك ضيق وانا بسوي لك العملية يوم السبت ولان هذي اول ولادة لي خفت وصدقت وقلت توكلت على الله و الله يكتب اللي فيه الخير
والحمدلله بفضل دعائي تأخرت العملية وقال بسويها لك الثلاثاء
بيني وبين زوجي وامي دارت حوارات طويلة وحالتي النفسية تأزمت:icon33:
صار لي فوق الشهر محبوسة بالمستشفى واذا قلت بطلع قال الدكتور لااااا خطر مع اني حاسة حالتي مستقرة
بالاخير قررت اضرب برايه عرض الحائط واطلع قال خطر وتطلعين على مسؤوليتك واكتبي ووقعي وبتولدين اول ماتطلعين وبتبلشين بعمرك الخ...
مارديت وطلعت على مسؤوليتي بعدها باسبوعين وبالموعد اللي كانت كاتبة لي الدكتور ولدت بمستشفى اليمامة طبيعي ولا عملية ولا مشاكل ولاهم يحزنون !!!
حبيت اقول لكم قصتي عشان تنتبهون وقطع قلبي اكثر عدد الحريم اللي كانوا معاي في الجناح وقايل لهم الدكتور نفس الكلام الحوض ضيق وخطر على صحتك خروجك وحاكرهم بالشهر والشهرين
.
.
.
وبالصدفة عملت سيرش هنا بالمنتدى وقريت هالكلام من عضوة ماعرفها تشكي تقول :
يعني نفس الحبسة اللي سواها فيني حسبي الله ونعم الوكيل عليه اذا كانه همه الفلوس ونيته سيئة!
حبيت انبهكم ولكل الحوامل ادعي من كل قلبي
"الله يفرج عليكم وتفرحون باللي يجيكم بالصحة والعافية" :icon28:
الموضوع مغلق