بخصوص أعانات الأطفال

السلام عليكم ورحمة الله وبركته


خواتي حبيباتي عندي طفلي يعاني من عدم توازن بالمشي

وقدمت له على مركز التأهيل والحمدلله يجيه كل شهر 833

وانا صراحه ما أبخل عليه بشي يعني اللي نفسه فيه اشتري له

وملاهي وابقي له منها بس يعني سؤالي

يجوز اني لو انزنقت بشي واحتجت اخذ منها

لي او لعيالي الثانين ولا علي اثم

أنا ماودي احط بذمتي شي لولدي بس انا امه

ويعلم الله اننا مو مقصرين معه انا وابوه والله لايحوجننا للأعانه ابداا

بس هذا حقه من الدوله ياليت ياخواتي اللي تعرف شي تقول لي

وجزاها الله الف خير ولدي عمره 6 سنوات

10 تعليق 1,683 مشاهدة

شاركي في النقاش

سجلي الدخول لإضافة تعليق.

التعليقات

10
  1. @ahat_fy_klby

    والله ماعندي معلومه يااختي
    بس ان شاء الله بنات حوا مايقصرون معك ويردون عليك
    بس اختي ان من رأيي بالاعانه الي تجيه تودينه مركز للعلاج الطبيعي يعلمونه التوازن
    بنتي من عمر عشر شهور وانا اعالجها علاج طبيعي وعلى حسابنا تقريبا المراكز الي اوديها بنتي بمبلغ 4000 ريال وحاليا بنقدم على اعانه علشان تقلل ولو شي بسيط من مصاريفها ولو عندنا كنوز الدنيا كلها مو خساره فيها بس ربي يكون بالعون
  2. الله يحميك لكي وانا ابني زي كذا وياخذ 833 ومعه صرع بس عادي ناخذ منها واحنا ماحنا مقصرين يعني مافكرت ابدا ان فيها اثم

    تحياتي لكي
  3. @am_fysl_9_1

    صاحبة الموضوع
    ان شاء الله

    الله يجزيكم خير

    وانا اتمنى احصل رقم احد يجي للبيت يسوي علاج طبيعي لولدي

    لأنه في أمس الحاجه للعلاح والمستشفياات الحكومي وديته يومهم سنه

    والخاص بوديه بس زوجي مسافر وماعندي احد يوديني ويجيبني

    وياليت احصل لي احد يجي للبيت عشان افضل لظروفي

    اللي تعرف ارقام اخصائيات علاج طبيعي تعطيني

    ولا اخصائي ولها دعوه مني ربي يوفقها ويسعد من تساعدني

تابعي تجارب أخرى من هذا القسم.