عصبيه لدرجه ...............

قال من لا ينطق عن الهوى صلى الله عليه وسلم :
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .
لاتنسي أن من أركان الأيمان أن تؤمن بالقدر خيره وشره...

وكلنا نفس الحاال يعني الحاال من بعضه!!!

لا حول ولا قوة إلا بالله

وش هالطيرة و التشاؤم!!!!

حبيبتي لا تنتظرين من أحد يعطيك شي لا وظيفة ولا زواج ولا اي شي!!

دوري بداخلك بتلاقين عندك أشياء كثيرة ماهي عند أحد غيرك

ماتوظفتي ؟ دورتي وظيفة وقدمتي هنا وهناك ولسه ما جا رزقك؟ دوري بوظيفة داخلك؟!

إي دوري على شي تتقنين صنعه وخليه كوظيفة يومية لك مثلا رسم أو عمل فني او طبخ أو خياطة

أو رياضة أو تصميم أو تصفيف شعر أو ميك أب أو أو او أو أي شي تحبينه وتهوينه

مارسيه كل يوم وطوري نفسك فيه عندك النت مانتي جالسة عليه نص يومك إذا ماكان كله

دوري ع أشياء تطورك وتطور موهبتك

بكذا مابيكون عندك فراغ ويصير عندك وظيفة

ماتزوجتي؟ ولا حتى انخطبتي؟ مين الي بيجيب لك نصيبك؟ مو ربك

سهلة أجل! ادعي بأوقات الإجابة وهي كثيييييرة بين الأذان والأقامة وإنتي ساجدة وآخر الليل

قبل لاتنامين آخر الليل صلي ركعتين وادعي فها بالرزق لحلال و الزوج الصالح

ولا تقولين في نفسك أنا فيني وماعندي وووو هذي كلها ايحاءات سلبية تترسب بالعقل الباطن

وتترجم فعلياً باختصار الإنسان هو الي يجيب لنفسه!

يعني وش فيها لو تفائلتي وقلتي أنا محظوظة و حلوة ومتفائلة وواثقة بربي ومتأكدة أن ربي يبي لي الخير

كل يوم سمعي نفسك كلام ايجابي وادعي واستغفري واشغلي وقتك

رح تحسين براحة نفسية وطمأنينة وشي بداخلك حلووو اسمه سعادة!

واحسني الظن بربك بيعطيك الي تبينه

بالنسبة لكلام الناس خلي أذن من طين وأذن من عجين وبنفس الوقت لاتسمحين لأحد يتجاوز الحد معك

وخليك واااااااثقة بنفسك ورح تشوفين كيف يتغيرون تجاهك

حبي نفسك واحترمي ذاتك وقدريها عشان غيرك يحترمك ويحبك ويقدرك

أسأل الله العظيم أن يرزقك من حيث لاتحتسبين

لااله الاالله

عسانى ما انحرم منكم
والله انكم اثلجتوا صدرى ...

الله يجزاك خير على هالكلام بجد الانسان ينسى ويسلى بهالدنيا والآمها وما يدري ان الخير كلة بالقرب من الله

بس حبيت اسئل لو ما حصل الانسان من الي يتمناة في الدنيا فهل هذا عقاب ام ابتلاء انا لا انظر لهو الا ان الله يبتلينا ليرى انشكر ام نكفر

الله اسالة لي ولكم ان يرحمنا في الدنيا والآخرة ويرضى عنا ويرزقنا من فضلة