ياربي وش اسوي بعمري انا بورطه -ادخلوا بسرعه يرحم والديكم وعطوني حل

السلام عليكم ورحمه الله وبركاته


امس توفى ولد عمه زوجي واسال الله ان يرحمه ويغفر له
الموضوع انه جيت بتجهز عشان اروح للعزا مع اهله قالي وين رايحه قلت بسم الله للعزا انت مو رايح؟قال لا بروح بكره اليوم مشغول قلت طيب اجل ودني معاك بكره قال لا ماني موديك ولا انتي رايحه ابد ليش خير قال كذا مزاج ما بوديك قلت له طيب بروح مع اي وحده من خواتك يمرون عليه واروح معاهم قال لا قلت خلاص بخلي اخويه يوديني برضه قال لا انجنيت قلت له ليش لا فشيله وش بيقولون عني صعبه بالمره بعدين عمته ما تقصر معانا ابدا المهم ما رضي وحلف يمين مااروح للعزا من الاساس جلست ابكي قلت بتفشلني من العالم ولا لي وجه اقابل عمتك بعدها قال طز ما تهمك لو ما رحتي لها واهله زعلوا مني انواع التهزئ عشان ما جيت

الحين وش اسوي بموت من القهر ليش يمنعني بدون سبب وبعدين هذا عزا ياعالم ما ينفع ما اروح مصيبه
كيف اتصرف وكيف اتعذر حلف يمين ما اروح ولا يوم وبكره اليوم الثاني ابغى شي يخليه يغير رايه فشيله وش بينقال عني

انتم معي والا يمديني اصرف نفسي؟

44 تعليق 5,155 مشاهدة

شاركي في النقاش

سجلي الدخول لإضافة تعليق.

التعليقات

42
  1. @mgdalaslam_1

    وليش تجي براسك قوليلهم ولدكم هو حلف علي وماعليك منه تكون بوجهه ولا يطلع التقصير منك
    أصلا عيييييب عليه مايروح يوقف معاهم وكمان يمنعك وفوقها تاكلين الهوشة وإنتي مالك ذنب
  2. الله يعينك يمكن كلمتيه وهو معصب علشان كذا حلف ما تروحين

    اذا حسيتي انه رايق ناقشيه في الموضوع والله يهديه ويخليك تروحين
  3. @mlath2011

    تعوذي من ابليس

    ليش تناقشينه وهو معصب اتركيه لحد مايهدا
    وفهميه باسلوب

    واذا مارضا خلاص تليفون يكفي مو لازم تروحين

    اهم شي راضي زوجك

    وبالاسلوب الحلو بيرضا


    لاتعاندين وتخلينه يصر على رايه
  4. @srkh_alshmokh

    والله غريبه وشي يقهر حتى لو فيه زعل بينكم هذا عزاء موت يخلي الضمير يصحى بس بما انه حلف لاتروحي الا اذا رضي ماتدري اش السبب ولاينخرب بيتك والله يهدي النفوس ويصلح زوجك ويلين قلبه ياااااااااااارب

تابعي تجارب أخرى من هذا القسم.