صباح الخير
السالفه وما فيها يا طويلات العمر ان اليوم كانو عيال عمي عندنا وهم اصلا دائم عندنا يزوروننا هم ابوهم متوفي اكبر وحده بنت في صف سادس وكانت ها البنت مره متضايقه ومعصبه مع انها طبعها هاديه وخجوله واستغربت من اسلوبها وجلست تفضفض لنا قالت والله اني اتضايق اذا رحنا لم اهل امي قلت وانتم كم تجلسون عندهم قالت من الاربعاء الى الجمعه واحيانا اسبوع او 10 ايام قالت اننا نموت جوع هم ما يسوون الا رز غدا ومرقوق عشاء بس ويقولون هذا الي عندنا كولوه
وحتى الشاهي ما يسوى الا لرجاجيل واذا خلصو وجابوه للمطبخ على طول كبوه في المجلى حتى الحلويات ما نعرفها الا اذا زارتهم خالتي ونادر ما تزورهم وتجيب معها حلا كثر يدي يا الله يا الله يكفي والكل يتناهبونه قلت يا حبيبتي هذي نعمه عادي كوليها واحمدو ربكم قالت بس انا ما احب المرقوق ما استصيغه والرز ما احبه لانه ما فيه ملح خانس دائم قلت طيب انت كبيره روحي للمطبخ وسويلك ساندوتش وصلى الله وبارك قالت اصلا مطبخهم فاضي مافيه شي لان مافي البيت الا جدي وجدتي كبار في السن وكل اكلهم مرقوق يوميا ورز والملح فيه يكون ناقص مره لان فيهم ضغط وبعدين ما نقدر ندخل المطبخ لان فيه شغاله فيلبينيه واقفة لنا في المرصاد ما تبينا نعتب المطبخ وامي الله يهديها اترجاها انها تطلب لنا وما ترضى واخوانها الي اصغر منها يقولون نفس الشي بس هي اكثر شي متضايقه المهم انا قلت لهم لا عيب حبايبي هذي جدتكم كولو الي تقدمه لكم واذا خلصتو اشكروها وقولو كثر الله خيركم واخذت اهديهم وانصحهم لكن يا اخوات جواتي احس اني رحمتهم حيل كسرو خاطري ما ادري عشانهم ايتام رغم ان ابوهم الله يرحمه تارك لهم خير وامهم موظفه وخوالهم ما عليهم ما ديتهم كويسه والله رحمتهم خاصه الي في سادس ولو شفتو طريقة كلامها وفضفضتها كان يمكن بكيتو انا صدق ما لي دخل ولا لي حق اتدخل في شي لا يعنيني امهم موجوده عندهم والله يخليها لهم حتى لو قطعتم تقطيع ما لي اي دخل بس هي الله يهديها من النوع الي مبرد على الاخر
وانا يا بنات من يوم سمعت كلام ها الايتام وانا ضايق صدري
شاركي في النقاش
سجلي الدخول لإضافة تعليق.
التعليقات
29- الحمد لله انها جات على نوع الاكل وبس ممكن تسوين لهم وترسلييين ولك اجر ان شاء الله
- لازم تساعديهم بما انهم دائما يزوركم وانصحي امهم قولي الاطفال ضعاف شكلهم ما ياكلو يمكن تحس
- لا حول ولا قوة الا بالله
3shnaqup6tz1 - امهم موظفه غريبه؟؟؟؟؟؟؟؟؟؟ظ طيب بيتهم الاساسي اللي هم ساكنين فيه مع امهم طبعا000 مو بيت عمهم ولا خوالهم - نفس الشي يعني امهم تقصر عليهم بالزادوالماجله ولا لا
لان اهم شي بيتهم ولا بيوت الناس مالكم كلام عليهم000 - الله يجبركسرهم ويعوضهم فقد ابوهم يااااااارب
اليتم حرمااااااااااااااااان
مواضيع مشابهة
تابعي تجارب أخرى من هذا القسم.