دخلوا ساهموا في حل مشكلة ولكم دعاء خصوصاً المتزوجات

السلام عليكم بنات


اشحالكن



بنات في وحدة تبغيني اعرض مشكلتها عندكن عل وعسى تفيدينها بشئ او وحدة منكن مرت بنفس الموقف

خواتي

البنت هذي مخلصة جامعة ودراسة بعد فوق الجامعة ..

بنت ناس مسيور حالهم ولله الحمد

تشتغل

تقدم لها واحد من اهلها


المشكلة هيه انه مش مكمل تعليمة


يعني مش مخلص ابتدائي حتى وما كان يستقر في شغل معين


اما الحين اللي انعرفه انه مستقر في شغل ..

وغير هذا اللي تعرف عنه انه عصبي بالقو :angry:


البنت ااايد محتارة وتقول كل شيء بالاستخارة

واذا الله كاتب لها نصيب وياه تري خير لها

بس هي وااايد خايفة تقول اذا خذته كيف بيفهمني كيف بيقدرني وخصوصاً الاخوات المتزوجات يعرفن مدي حساسيات العلاقة الزواجية وخصوصاً الجنسية

هل بيعرف يهتم فيها وبيفهم تفكيرها :(

البنت واااااااااااااااااايد متخوف وما تعرف شو تسوي :(


شو تسوي

وهل في حد تعرض لهل نوع من المشاكل :(

32 تعليق 2,172 مشاهدة

شاركي في النقاش

سجلي الدخول لإضافة تعليق.

التعليقات

28
  1. @alaaamryh

    لاتاخذه ولايقربها..
    مازلت من 12 سنه اعاني من
    اختلاف المستوى الثقافي والفكري بيني
    وبين زوجي..
    كل شي مكتوب..لكن فيه اسباب لازم نتخذها..
    سلمي لي عليها وقولي لها ان اخذته بتعيش
    حياتها معاه كلها تنازلات وتضحيات من طرف واحد
    اللي هو صديقتك.
  2. @shyokh_albdo

    صاحبة الموضوع
    صح حتى انا أقول نفس الكلام

    أكيد طريقة التفكير تختلف طططريقة التفاهم

    حتى لو يابوا عيال بعدين كيف بيربونهم

    وأهم شيء والأساس الصحيح للعلاقة الزوجية هي

    العلاقة الجنسية بين الطرفين إذا ما قامت على تفاهم الطرفين

    وكل واحد يقدر الثاني ويفهمه عدل

    يعني ممكن تحبه ويحبها

    وتمون غالية عنده هو غالي عندها

    بس مب كل شيء حب

    في معايير كثيرة وهذي عشرة عمر بتكون


    ما أتوقع تنحج حياتهم



    الله يعينها يارب


    ومشكورات خواتي ما تقصرن
  3. @shyokh_albdo

    صاحبة الموضوع
    بنات والله انا خفت من ردوكن


    يعني معقولة يعيش تعيسة في حياتها


    بس رغم انه الشاب مش مكمل تعليمة

    بس ذكي وعنده محلات تجارية يترزق من وراءها


    شورايكم

    ابغي اكبر عدد من الردود

تابعي تجارب أخرى من هذا القسم.