شاركي في النقاش

سجلي الدخول لإضافة تعليق.

التعليقات

372
  1. @kly_tmooooh

    أنا ضدك والسبب أكيد انتي عارفه بس تتهربين بس اقوى شي عندى انه نهى عنهم رسول الله وأكيد في ذالك حكمه تعالى لا تكوني شغاله واحنا ما ندري ههههههههه أمزح لا تزعلين
  2. طيب ليش بعض الحريم ماتصدق انو في احد يتفوق عليها
    انا شخصيا ماعندي شغالة لكن ماقول لك بيتي يلق وعلى طول متزينة ورايقة
    لكن فيه حريم ماعندهم شغالات قدروا يصيرون احسن مني وبيوتهم تلق ومدلعين انفسهن
    ليش يوم اني يابعض المشاركات ماقدر اوفق بين الشيين(شغل البيت والاهتمام بالنفس) ليش ارفض اصدق انو في ناس تفوقوا علي وقدروا؟
    ليش يالحريم لما تشوفين وحدة انجزت انجاز افضل منك بدل ماتغبطينها وتتمنين لها الخير تقلبين بس تحطيم فيها ويدعون المثالية ويدينهم سودا ومهملات رجالهن وووو والكثير من الكلام اللي نقال عن اللي ماعندهم شغالات
    لا وحكاية اللي مايطول العنب تضحك بصراحة انا والف غيري عندنا امكانية نجيب بدل الوحدة ثلاث بس مو لازم اجيبها عشان اثبت اني لا ادعي المثالية او عشان اثبت اني اقدر اجيب شغالة؟
    زبدة الكلام كل جيد فيه اللي احسن منه وفي حريم ماشالله قادرات ومبسوطات ليش احسدهم على راحة البال واكذبهم انهم ودهم او انهم مو قادرين
    وارجع اقول انا ماني منهم بس ودي اصير منهم لاني ماحب الشغالات بس لاني مو قادرة صرت ماامسح الغبار كل يوم ولااغسل الشبابيك كل اسبوع لكن نفسيتي مبسوطة ومرتاحةواغبط اللي يحبون الشغالات لاني لو اقدر ادخلهم بيتي اكيد برتاح وبيتي بيصير يلق اربع وعشرين ساعة واغبط اللي بيوتهم تلق ومامعهم شغالات لان هذا حلمي
    اعترفي انو في حريم اسنع منك وانتي ترتاحين بدل شغل التحطيم والتبرير ان عندك شغالة=اني ادلع نفسي والله ياما حريم عندهن شغالة وطباخ ومربية ولاشفنا لادلال ولادلع ولانفسية رايقة ولايدين بيضا الجيدة جيدة ياسبحان الله والشغالة من معزبتها الوسخة والمهملة تجي شغالتها مثلها
  3. @dmyr_alod

    مرة الأطخج
    احب اقول وجهة نظري من واقع تجربة انا عندي شغالة بتخلص مدتها عيد الأضحى الجاي والله ثم والله اني اقول عيدي بيصير عيدين بفرقاها اعوذ بالله منهم هم وغم وحقد والشغالة في نظري كائن حسود حقود سواء احسنتي معاملتة أو اسأتيها الراحة الجسدية…
    طيب وش حادك عليها اذ هي موكويسه وانتي ضدهم ليش ماتسفريها من الحين وخلي عيدك من الحين احسن لك
  4. @reeeeeemaa

    أنا ماأيد وجود الشغاله إذا كان البيت صغير والوحده ماعندها الا بزر واحد او أثنين

    لكن إذا صار البيت كبير والعيال خمسه سته وش تلحق عليه المسكينه

    العام تعبت شغالتي وسوت عمليه خليتها عند اهلي علشان تقوم عليها شغالتهم

    والله اني تفلت العافيه مابين تنظيف وطبخ وغسيل وبزران الله يصلحهم يبون من يذاكرلهم ويغسل لهم كل شوي

    البيت كبير وغرفة الغسيل والكوي في الدور الثالث والله مغير اطامر الدرج طالعه نازله بغيت اموت

    ولا ني ملحقه حتى اللقمه ماتهنى فيها صراحه الشغاله شر لا بد منه بس عاد مو تعتمد عليها الوحده اعتماد كلي

    وبعدين إذا الوحده زوجها مقتدر ومنعم الله عليه ليش تحرم نفسها الراحه

تابعي تجارب أخرى من هذا القسم.