عدم تكافؤ النسب

السلام عليكم ورحمه الله

بدايتا الام فلانه جاتس خطيب
البنت صدتز يمه من

الام ولد الفلان
راحت الام وقالت لاخوان البنت سئلو عنه رجال كفو ماعليه
البنت استخارت وارتاحت

وافقت البنت وتمت الخطبه والملكه والزواج الحمدلله
بعد مده جاهم عيال
حياتهم الى اللان مستقره

فجأه جاء اخو البنت يالله فلانه <<يقصد اخته
شيلي قشك ويالله معي
البنت ليش شسالفه
الاخو مافيه تكافؤ بالنسب

البنت شلون يعني
الاخو هاه اللي جاتس ..


هذي قصه من وحي الواقع للاسف ..وحقيقيه ..
المشكله باختصار تزوجت البنت وجاه عيال واللحين يقولون اهله ماتقعدين مع رجلتس لان مافيه تكافؤ بالنسب..

السؤال اللحين ؟؟
من عليه يكمن الغلط ؟
وش موقع البنت اللحين وش ذنب عياله ؟
وهل يمكن تترك رجله عشان هالعادات والتقاليد حتى وان كان كفء؟

كلن يخلي نفسه بمكانه وش راح يسوي ؟
اتمنى اشوف ردودكم

14 تعليق 1,349 مشاهدة

شاركي في النقاش

سجلي الدخول لإضافة تعليق.

التعليقات

12
  1. @ashky_mrarh_ghrbty

    تكافؤ النسب شي اكيد مهم و ضروري
    بس لو حدث زي اللي صار بالقصه ولنفترض انه ما سئلو عن نسبه زين او ان ابو البنت كان اهم شي عنده ان الرجال يكون طيب و رجال ولا يهمه النسب ويوم توفي الاب جو الاخوان المعارضين بيطلقونها زي ما نسمع غالباااا

    بهلوقت لو انا مكانها و انا انسانه عندي اطفال من هالشخص و الحمد لله عايشه معه و مبسوطه و متمسكه فيه و ابيه
    بالعكس ارفض اني اطلع من بيتي او اني اترك زوجي لو كلفني هالشي الكثيييييييييييير
    حتي لو وصلت اني اترك اهلي عشان زوجي
    الغلط عمره ما يتعالج بغلط اكبر منه


    تصدقين اعرف وحده نفس هالسالفه
    زوجوها اهلها و كل شي يوم جابت منه اطفال اعتقد اربع او خمسه اكتشفو اهلها ان هالشخص موب قبيلي و انه كان فيه اختلاط القاب وووو ومن هالسوالف
    وش صار؟
    جو الاهل اخذو البنت و طلقوها منه
    طيب وعياله وش ذنبهم؟؟؟ ذنبهم انهم اخذو نسب ابوهم و ان امهم انفصلت
    بس الحمد لله ان هالشي ما اثر عليهم والحين كل عيالها كبار و متزوجين

    بس العالم صارو يتعصبون ويرجعون للجاهله من حيث هالشي
  2. @tmyzy_babdaaay

    صاحبة الموضوع
    كلنا راحلون
    مشكوره على الرفع نورتي

    نونو
    فعلا معك بكلامك

    ام تريمان
    اسعدني مرورك
    اشكي مراره غربتي
    شاكره تواجدك العطر
    ومثل ماتفضلتي كلامك كبير ومقنع بس من يسمع رسولنا مافرق بين ناس وناس يجون هم والغلط من الاساس على الاخوان توهم يصحون
    اسعدتني تواجدك
    mooon1412
    معك بكل كلمه قلتيه بس ماتوصل للمحاكم مهما يكون اخوه

    لاكن على قولتك ترفض تجاريهم وتخرب حياته

    ااسعدتني تواجدك

  3. @hla_gdh_3

    كلام فاضي قال تكافؤ نسب قال

    وش بيفيده نسبه وش بينفعه بس بين الناس وخلاص

    ولا نسبه يدخله جنة وينقذه من النار ولا بيشفع له يوم القيامة !!!!

    هالتفكير تخلف والله بعدين الرسول عليه الصلاة والسلام قال من ترضون خلقه ودينه ماقال من ترضون نسبه وقبيلته

    واللي يفكر كذا مع احترامي له ماعنده سالفة ابددد وتفكيره من ايام الجاهلية

    ولو اني مكانها مااطلع من بيتي ولا اتحرك ليش على كيفه ان كنت راضية بعيشتي واحبه ومرتاحة والله ماتحرك

    يعطيك العافية

تابعي تجارب أخرى من هذا القسم.