دينا 223
جزاك الله خير ، و كلامك مثل البلسم ،،
الله يرحم ولدك و يجعله شفيع لك ،
تصدقين أنا يوم ولدت ولدي قالوا نسبة حياته 30 بالمية ، حتى تطعيم الولادة ماأعطوه ( خايفين يخسرون لقاح في طفل بيموت < هذا تفكيرهم طبعا )
لكن زوجي كان يروح له يوميا بالحضانة و يرقيه و يقرأ عليه و الحمدلله بعد شهر طلع ،
و يوم كان عمره سنة قالت لي الدكتورة ماراح يعيش طويل ، بس ربي قادر على كل شيء ، عمره الحين بسم الله عليه 4 سنوات و إن شاء الله العمر كله ،،
أما أثر الحساد ، ياما ناس تكلمو ووش كثرهم ماأدري آخذ من مين و أخلي مين ،
حتى القرايب و الله ماخلونا بحالنا ، بس الله يعين ،
أتذكر فترة مرت قبل سنتين تقريبا كنت أكره بيتي و الشغل ببيتي ، و الطبخ ، و أشتغل و أنا أبكي ،
تذكرت وحدة الله يهيديها كانت مدرستي بالمتوسط ، تكلمت مع المدرسات و قعدت تقول أكيد أنها تعرف تطبخ و تشتغل و من ذا الكلام ، و أنه بناتنا مايطبخون إلا بعد الكلية < أنا أشوف ناس يطبخون من المتوسط ، غريب عوايدهم و الله ،،
و أمي طلبت وحدة تجيب لي من أثرها و الحمدلله اغتسلت فيه ، حسيت مثل الكهرب بجسمي ،
و تحسنت و رجعت أحب بيتي و شغل البيت و أتفنن بالطبخ ،
بس ذا الناس الله يكفينا شرهم .
miss-kuwaitia
الله يجزاك خير ، و شكرا لك على كلماتك و يجعلها في ميزان حسناتك ،،،
المشكلة أنني بعيدة عن الرياض ، أتمنى أني أسكن الرياض علشان أشوف له علاج مكثف ، و بجد قصة الطفل اللي ذكرتيه ، حمستني و الله ،
بس وين أروح ، وش المراكز اللي تعالج مكثف ، لأن ماديتنا ماتسمح و الله ، و زوجي عليه ديون كافيته ،
هل فيه شيء حكومي بالرياض يعالج مكثف ، و كيف أدخل أوراق ولدي عليهم ،
ودي تكون بالإجازة علشان دوام زوجي ، لو نضطر ناخذ شقة مفروشة و نقعد بالرياض ، و كله علشانه حبيب قلبي ،
بس أتمنى تفيدوني و الله ووش الإجراءات وتنصحوني وين أوديه ،،،
أما كلام الناس دايم أرميه ورا ظهري و ماأهتم لهم ، لأني واثقة بربي ،
و الحمدلله ربي خلق بيني و بين زوجي رحمة علشان ذا الولد ، كثير ماأتنازل و كثير هو يتنازل بعد ،
و مؤمنين بقضاء الله و قدره ،
لكن تعرفين مرات الواحد يتحمل إلين خلاص يطق و يتأثر ،
تجيني فترات مافيه أحسن مني في الصبر و ماعلي من أحد ، و مرات خلاص ماعاد أتحمل ،
يالبى قلب بنتك و يازين مناغاتها ،
أنا ولدي نفس الشيء يناغي و أنواع الأصوات الحلوة بسم الله عليه ، و مرات يقوم من النوم مروق و يصحيني على صوته الحلو ، يناغي و يضحك لبى قلبه ،،
ولدي بعد يعرف أمي و يعرفني و يعرف أخوه و أبوه ،
مرات إذا رحت عند أهلي ، أمي تحبه و تسلم عليه و تلاعبه ، ثمن ترجعه على الجلاسة أو على الفراش بالأرض ، يزعل و يبكي إلين ترجع تشيله حبيب قلبي ،
يعني الفهم عنده بسم الله عليه مرة حلو ، و أحسه يفهم ، يعني مرات أسوي نفسي أهاوشه و أقول له عيب ، أبي أشوف ردة فعله ، هو يفهم أو لا ،
أتفاجأ أنه يبرطم و يتجمع الدمع بيعينه لبى قلبه ، يعني فاهم أني أهاوشه ،،
عندنا مركز يستقبل المعاقين، طلبناهم بس يعطونه حصص علاج طبيعي و نطق ، لكنهم رفضوا ، يقولون للمنومين عندنا ،،
نوموا ولدكم عندنا و ينعطيه كل شيء ،
بس ماني قادرة أتحمل أبعد ولدي عني ،،
و زيادة على كذا سأل زوجي أحد الموظفين في المركز ، قال له : إذا أنت تعطي ولدك علاجاته و تعطيه أكله و تهتم بالعلاج الطبيعي ، خلاص أفضل لك تخليه عندك ،، ماراح يلقى أحن عليه من أمه ،
و صدق و الله ،،،
ماراح يتحمل المريض إلا أمه ..
ودي أغير دكتورته ، لأنها مرات تتكلم من دون تقارير و كذا ،،،
يعني يوم قالت أنه أعمى و احنا أصلا نتابع عند دكتور العيون في نفس المستشفى ، كان ذاك الوقت ملفه ضايع ، وقالت كلامها كذا من دون تستند لتقرير العيون ،
بس يالله الله يعيننا ، نشوف وش تقول في الموعد الجاي ،
و الله يجزاكم خيييييييييير جميعا ،
و يشفي مرضانا و مرضاكم ..
تجمع امهات اطفال نقص الاكسجين والشلل الدماغي (( الثاني))
متابعة النقاش، صفحة 80