نظرات الناس لبطنك وانتي حامل تهمك والالا
مرحبا لكل الكروشااات بدخل لكم بسالفتي على طوووول انا حامل بالشهر التاسع واليوم رحت لمحل سيتي مكس عشان اشتري شويه اغراض واللي نكد علي نظرات الناس لبطني كأنهم اول مره يشوفون وحده حامل والله الرجال يناظرون والحريم قلت ياربي وش السالفه وربي استحيت ماكملت طلعت من المحل ورحت السياره قالي زوجي وش فيك جيتي بدري قلت وجع بعيون الناس والله خفت يصير فيني شي والسبب عيونهم عاد انا تذكرت سالفه اختي مره كانت رايحه مارينا مول بكورنيش الدمام وكانت حامل بالشهر التاسع ومرت جنب حريم ثلاث ويناظرون في بطنها ويقولون لها يمين يسار يمين يسار وراحت البيت وهي مقهوره وولدت قيصري قلت لها اكيد من عيون الناس عاد قالي زوجي خلاص لاتنزلين اسواق من يوم ورايح عشان اذا انتي خايفه من عيونهم ادري ان فيه حريم حوامل يطنشون ولاهمهم احد ناظر اولا بس وربي العين حق يمكن ماتصيبك بس تصيب البيبي