انا ولدي 3 سنوات وشهرين
وماعندي غيره وجيت بريطانيا وعمره 6 شهور
اول ماجيت 3 شهور مااعرف احد ولااطلع من الشقه الا السوبر ماركت
وبعدين تعرفت على عوائل سعوديه بس كان يصيح او ماادخل ولا يبي احد وجلس شهر او اكثر لحد ماتعود عليهم .
المهم اللحين مايتكلم الا ماما وبابا وكم كلمه بس واذا كثر كلمتين مع بعض
مع ان كشف السمع سليم الحمدلله
ويفهم ماشاء الله ويسوي اي شي اطلبه منه
والحمام تعلم قبل يكمل 3 سنوات
بس من العام بادي يسوي حركه وشبه يومي
انه يدور باالصاله شوي ويجلس
احيانا يكون يلعب يقوم يدور
وانا اناديه وهو يدور بس مايلتفت لي
وصاير عصبي
مدري الوحده تأثر عليه لانه الان مافيه اطفال عرب مايروح غير الحضانه ولا يفهم عليهم
بس يحب يلعب مع الاطفال حتى اللي اكبر منه
ولامتعلق مره فينا انا وابوه
وباالحضانه مايجلس لحاله لازم انا معه
مع انه له شهور فيها بس مايروح يومي
تكفون اللي تعرف شي تقولي الله يجزاكم الجنه
شاركي في النقاش
سجلي الدخول لإضافة تعليق.
التعليقات
26- اختي احنا كذا مانقدر نفيدك يمكن ولدك سليم ويمكن عنده مشكلة تواصل
الافضل انك توديه مركز متخصص يعطوك تشخيص احسن وروحته للحضانه خطوة مره رائعه منك فاستمري ولاتملين
الله يطمن قلبك عليه - تسلمين
انا وديته بس كشفوا على السمع
ويمكن وديته ٣ مرات على فترات
ابي اعرف وشلون يكشفون عليه
علشان يعرفون - اذا فية اتصال مع العالم فهو سليم بإذن الله
اما التوحدي له عالم خاص ومايتفاعل مع احد
الله يشفية ويشفي ولدي وجميع المسلمين - ام كادي
الله يشافي ولدك ويفرحك فيه
ويشافي مرضى المسلمين - حبيبتي ولدك يبي له اخصائي نفسي
يقيم حالته
وحتى لو كان الي عنده من اعراض هي بداية للتوحد تقدرين تداركينها باذن الله
بزيادة جرعات الاهتمام والحنان
انا من قناعتي احس ان التوحد اهم مسبباته هو النفسية والبيئة المحيطة بالطفل
مواضيع مشابهة
تابعي تجارب أخرى من هذا القسم.