والله احس براس النونو تحت يدق في الحوض وبطني كل شويه حجر بس بدون الم ونغزات على تحت حتى وانا جالسه
وكيف تعرفي انه النونو نزل الحوض اول مايجيكي بول الله يكرمك ماتقدري تستني لحظه تحسي نفسك بتنفجري جري على الحمام وحوضك مفكك يادوبك تمشين تحسي بضغط على تحت
اما الالم جدا خفيف اسفل بطني ويجيني مع حركة الجنين ولم يحجر بطني زي التقلصات ويروح
والدكتوره لم قاست والله ماحسيت بايدها ابدا
وهي قالت لي يمكن ينزل عليكي دم اليوم من القياس بس لاتقلقي عادي بس لو جاكي مع نزول الدم الم تعالي
بس مانزل دم ماشاء الله يدها خفيفه
اتمنى اكون جاوبت على كل اسئلتكم
وشكرا على دعواتكم وعقبالكم كلكم تولدون بالسلامه وتبشروني كمان
وان شاء الله ابشركم
والاخوات الي يبغوا يقيسوا الرحم عندي لكم نصيحه اول شي الدكتوره اذا انها مي كويسه ممكن توسعلك بيدا ويجيكي الم الولاده صارت مع اختي راحت المستشفى وماعندها ولا نقطه الم ويوم قاستلها الدكتوره شكلها وسعت بيدها ماوصلت البيت الا وعندها طلق طبعا الدكتوره وسعتلها على بالها بتولد عندها فنتبهوا رجائا
واذا تبغين تولدين عادي ماهمك خلي شنطتك جاهزه ومعاك واغراضك جاهزه وارسليها بيت اهلك من بدري
انا امس ارسلت نص اغراضي على بيت امي الله يحفظها
بقي اغراض اولادي بس
وتصدقون امي كانها حاسه اني بولد امس دقت علي بعد المغرب تقلي يابنت انتي دخلتي التاسع ولا لسه
قلتلها ها يمه دخلت التاسع لي 12 يوم
قالت وماولدتي عادتك تدخلي التاسع تولدي
قلت ها لا لسه يمكن كمان اسبوع
ماابغى اقلقها امي الله يحفظها تجلس تبكي وتتوتر كانها هي بتولد فصرت مااقلها الين اولد ابشرها
دعواتكم يابنات
وياحبي للسوالف معاكم
الله يحفظنا لبعض قولوا امين
تعالوا اقلكم وش صار معايه اليوم/معدل
متابعة النقاش، صفحة 7