مين جربت الولادة بمستشفى السعودي البريطاني بالرياض؟/تم الدمج

انا ولدت فيه والان ارجع عندهم وبالولد فيه رائع جدا
وانا مجربه الدكتوره الروسيه ومرتاحه معاها من جهة ولاده وخياطه وتعامل راقي بس انا ولدت معاها باابرة الظهر ماطفشتهم بصياحي
كلفتني ولاده بيومين تقريبا١١ الف غرفه اميره واي سؤال انا بالخدمه
وتراهم مو ماديين حيل
اخر مره تنومت عشان يلاحظون السكر يومين بس كانت تكلفت الغرفه الخاصه ١٢٠٠ ريال واحسبي يوم اضافي صارت٢٤٠٠ ريال وتخطيط مرتين وتحليل دم مره وتحليل بول ٤ مرات وتحليل السكر بعد الوجبات والاكل بعد طلعت بس ٢٧٠٠حسيت تكلفت اللي تنومته غير الغرف ٣٠٠ ريال وانا كاش بدون تامين

سالت هوه مجهز طبيا من كل شي بنك دم حضانه وغيره بالعقل لو مو مجهز كيف اخذ وتصريح بفتحه وكيف ولدو هالحريم فيه وله اربع سنوات وكل شي تساهيل توكلي ع ربك وروحي له

اما دكتور التخدير رجال واعتقد انهم اثنين واحد مصري ممتاز اسمه محمد يداوم دوامين عندهم وبمستشفي قوي الامن خبره والثاني مااعرفه انا اعطاني النصفي محمد وكان كل شوي يدخل دكتور عليه بعد مايستاذن يسجل بيانات القلب والظغط عشان الابره ويطلع اهتمام كبير والحمدالله من قبل وبعد

أنا اراجع عندهم الحين لكن الولادة بجيب دكتورة من برا لان الدكتورة اللي اراجع عندها فايزه عندها اجازه وماراح تولدني. وانا بجيب دكتورة من برا ومتعامله مع البريطاني وبتجيني وقت الولادة والله ييسر يأااااارب وأسعارهم معقوله الولادة الطبيعيه مع خياااطه تجميلية ب 6500 في غرفه عاديه  

انا نفس الشي اراجع عند فايزه بس هي بتطلع اجازه وحولوني عالاستشاريه شيرين ويابنات التساهيل من رب العالمين مو من الدكتوره

وبالنسبه لتجهيزات المستشفى ياناس فكرو شلون يفتخ مركز بهالتكاليف ومو مجهز ليه وين حنا عايشين وزارة الصحه ماتعطي ترخيص لاي مستشفى الا باكتماله

والفلسفه حقت الحريم واجده يازين كلمة مدري واذا شاكه بشي اتصلي عليهم وخذي كل شي من المصدر مو من حريم يتناقلون السواليف ولايدرون صح ولا غلط

انا اراجع عند فايزه ولا ادري انها بتروح اجازه وانا على وشك ولاده اله يسهلها