ملف المقبلات على اطفال الانابيب والحوامل في دولة قطر (التجمع العاشر )

صباح الخير يا حلوين....أكيد اليوم الكل (خصوصا المداومين أمثالي ) مبسوط و فرحان لأنه اليوم الخميس...يعني غدا راحة واستجمام....
توأم الماء
إن شاء الله يكون النزيف وقف تماما معاك طمنينا عليك.
sunflower
الله يجزيك الخير على المعلومات الكافية والوافية و يارب تضبط معاك هالمرة وتشجعينا عليها...بس الأوضاع شوي الحين في البحرين و لا شلون؟
hr
الله يوفقك حبيبتي و يشفيك و يعافيك و يعطيكي حتى يرضيكي...
همس الملايكة
ليه الساد فيس؟ عايزين تفاؤل بالحياة :)
أنا أنصحك تتصلي بالاستقبال و تسأليهم أحسن..بس أعتقد بالعيد أكيد ما بيعملوا عمليات أما رمضان فصعوبته تكمن في استحالة أخذ عينة الزوج وقت الصيام؟! تأكدي كله خيره من الله و فرصة تستغلي رمضان بالعبادات و التهجد... الله المستعان.
الله يرزقنا جميعا الذرية الصالحة آمين.

اكيد نفس الشعور ( شعور فرح ) لان اليوم الخميس وغداا ويك اند اخير .......

اخبار ابنك مع المدرسة .........وين قررت المرة القادمة ( العلاج ) ........

بنات عندي سؤال من افضل ( طبيبة تغذية ) غير مركز نيوترشن لان ريجيمهم صعب وااايد وانا عندي فقر دم شوي وعلى احس بدوخة .........
:)

يا هلا بلينو..بلشت أراسل الأطباء في الأردن حتى أبدأ العلاج فور وصولي إن شاء الله سفري بيكون يوم 1/7 أفكر بالدكتور نجيب ليوس كونه اختصاصي عقم ذكورة و كون أصل الموضوع الأجسام المضادة عند زوجي حبيبي...لكن لم أستخر بعد...يارب يشفي الجميع..
ابني كل يوم يعد العد التنازلي ليوم السفر لأنه هناك أولاد عمه ماشاءالله يلعبون معاه و يسلونه..
بالنسبة لموضوع فقر الدم إذا بتحبي أعطيك رقم صديقتي عالخاص أخصائية تغذية ماشاء الله عليها ممكن تفيدك.

أم أسامي
كيفك حبيبتي طمنينا عليك اليوم ها خبرينا الأعراض اللي تحسينها اليوم؟ يارب تبشرينا الأسبوع الجاي بحملك يارب و تنفك عقدة كل واحدة فينا ورا الثانية..

الحمدلله رب العالمين نحمده ونشكره على كل شي ...

البيبي مات في بطني من اسبوعين ومازلت مستمره على الادويه لي مانزل بقاياه كامله بس بعد احس باقي .. شي
لان الدم ما وقف لسه ..

طبعا ما يحتاي اعلمكم عن نفسيتي .. لانها كانت زفت والحمدلله

انا وعدتكم صحيح ما اقطعكم لي حملت .. بس الظروف كانت اقوى مني

اسمحولي ما اقدر اذكركم بالتفصيل لاني لي الحين تعبانه

بس كلكم بدون استثنائات .. اتمنى تكونون بخير

وهارد لك للي رجعت وما حملت وموفقين اللي رجعوا واللي مقبلين ع العلاج الله يوفقهم

مع اني خلاص ما قمت اشجع اي وحده تسوي انابيب .. ما شفنا منه الا عوار القلب والاعصاب

من بداية الابره التفجيريه سبحان الله الى نهاية الحمل والانابيب مشاكله ما تخلص
:(

القاكم على خير

مادري متى ؟؟؟