شاركي في النقاش

سجلي الدخول لإضافة تعليق.

التعليقات

24
  1. صاحبة الموضوع
    اشكر كل من رد علي
    وازيدكم من الشعر بيت هو شايف نفسه انه جميل ما يحسسني ابدا اني مليت عينه او ان فيني شي حلو دائما مايشوف الا الشي الشين بالرغم من اني جذابة بشهادة اللي يشوفوني
    وحتى انا في البيت البس اشياء حلوه يمدح شوي بعدين يقلب يقول اخاف تاخذين في نفسك مقلب
    تعبت والله منه بشرتي كانت زي العسل والحين الله لايوريكم بشره كلها حبوب من النفسية وسواد تحت عيوني وحاله صعبة
    الحمدلله على كل حال
  2. @oaaod_halm

    اولا / ربي انعم عليك بوظيفة وانا ضد اللي تقول اتركي وظيفتك ليه تتركينها علشان رجل وقدرك في علم الغيب ما تدرين يمكن يجي اليوم اللي تعضي اصابعك ندم عليها لا والف لا إنتي عندك شخصيتك ومستقلة ماديا حتى لو المفروض انه يصرف عليك بس اذا ما وده بالناقص الله لا يحوجك لأحد صاحية من الفجر ورايحه دوامك كذا ساعه أكيد ان شخصيتك حلوة بالدوام ولك رأي وتقدري بحكم خبرتك تتخذي قرارات وتحلي مشاكل لأنك قاااااااااااادره ....
    دلعي عمرك براتبك وقولي حلالي اذا طلبتك ريال انتقد وصارخ واهلك لا اوصيك امك وابوك لا تقصري فرحيهم فيك واكسبيهم بصلتك وباعطائهم من مالك حسسيهم ان تعبهم ماراح هدر السالفة مو استغلال بس هم اولى الناس بالبر وتذكرهم حتى لو هم مو بحاجة بر وصدقة والله لو يزين لي لأحول حوالة شهريه على حسابهم لو ألف ريال على حساب الوالده والف على حساب الوالد الله يرزق الجميع...
    اخواتك لاتقصرين معهم واهديهم ....
    زي ماقلت دلعي عمرك اشتري اللبس اللي نفسك فيه واذا احترتي وازعجك بالمحل حطيها قاعده بالمحل اذا اعجبني شيء ونكد علي باشتريه باشتريه هو النكد حاصل حاصل على الاقل ما اندم اني ما اخذته ....
    شغالة وجيبي وسواق لو تبين على كفالتك وسيارة بإسمك جيبي ....لا تحرمي نفسك شوفي راتبك كم و متعي نفسك باللي يناسب ظرفك ....
    اطلبي احد من اخوانك يروح مكتب عقار واطلبيه يسعى لك واشتري لك ارض بإسمك فاهمه امني نفسك واذا قال لك شيء قولي الخوف يازوجي العزيز مو مني اللي ملكي بالنهاية لعيالك فتطمن مارح اعرس عليك :) ابغى ءأمن مستقبلهم واحس اني اداوم على شيء يسوى مو دوام ولا استفدت شيء ... واذا خلصتي من وحده ابدي في الثانيه وهكذا وبالنهايه تحفظي جزء من الراتب ولا تستخسري شيء في نفسك....

    نصيحة/ اللي فات فات عيدي حساباتك و ابسطي عمرك وماعليك من الكلام الكثير اغلب الرجال كذا بس انتي ما شاء الله ما طلبتي شيء ولا كلفتي عليه بشيء قوليها بالفم المليان فلوسي لو احرقها انا حرة وبكيفي واذا ودك تستفتي استفت اي شيخ ...واهلي مارح اقصر عليهم بشيء والله يرزقني بر عيالي الحياة ماتدوم لأحد والكفن ماله جيوب....


    موفقة
  3. والله لو انا مكانك وعندى راتب انى اغلا الاشياء اجيبها لنفسى واوريه انه مثل ماهو تعز عليه نفسه حتى انتى نفسك عليك غاليه وماتلبسينها الا الغالى وماعليك منه هو كذا ولا كذا مناشبك على الاقل بعد هالمناشب تطلعين بشى يسوى مو تجلسين وحسرتك بقلبك اجل ليه متعذبه ودوام وهواش الله يصلح الحال بس لزوم تعودينه تدلعين وتصرفين على نفسك وان حاسبك اجلسى له انتى وحاسبيه على فلوسه كوده يحس
  4. انتي موظفه يعني منتي محتاجه له اللي تبغينه اشتريه دام ان طبعه كدا وسوي اللي تبين بدون تردد وبكره يتعود على طبعك لانك توك في بداية حياتك والتغيير اسهل

تابعي تجارب أخرى من هذا القسم.