هلا والله بنات موضوع مره حلو انا راح اكتب لكم بالتفصيل
بالنسبه للعيال لان اوزانهم مره قليله راح اخذ لهم زيت كبد الحوت وفيتامينات واخد مجموعه قصص باللغه العربيه لبنتي لان ودها بالقصص وتحبها مره وطبعا انا شيد اسلاميه للسياره وملابس داخليهلبنتي احس اللي بالسعوديه مره حلوه اللي تيجي طقم واطرافها دانيل بعشره ريال بس تهبل قطن واهم شي ان (الكلوت) مثل الشورت وولدي راح اجيب له ثوب وطاقيه وشماغ للعيد ان شاء الله لان نحن نتجمع بالمصلى وايش بعد كريم سودو للاطفال للطفح الجلدي :)
بالنسبه لاغراضي انا كريم برشوات مره حلو ناسب العائله كلها واكسينول لتنظيف البشره يهبل وحبوب منع الحمل انا اجيب 14 باكيت يكفي للسنه كامله واحتياط لانه اوفر بكثير من هنا وانا احب استخدم كيلي لان وجهي بالمره جاف وراح اجيب معي (حب الرشاد ورمان جاف ونعناع وحبق المدينه وملوخيه جافه طبعا كلها تسويها لي امي) ورقاق سمبوسه وبرغل وجريش وكرتون جالكسي وواحد باونتي ومن كل الاشياء اللي نحبها نوع واحد (على فكره انا مااجيبها معاي انا اشحنها وتيجي بعد مانوصل باسبوع ) ولا نحتاس عفش وحوسه ماادري اذا تعرفون الكربوك المقلي المكسرات طبعا الفصفص من اجل الليالي الرومانسيه :D انا ماراح اجيب المره هذه بهارات لان ام زوجي ارسلت لي حق سنتين وطبعا بهار يهبل توسيه وحده عندهم بالرياض يجنن للكبسه والايدامات انا بصراحه اسميه سحر بالاضافه للبن والهيل والتمر السكري والخلاص لرمضان وجيبي كمان التمر المعجون الجاهز للحلا والمعمول للعيد :) احس طولت عليكم مره بس عشان نفيد ونستفيد طبعا لازم اروح المكتبه اجيب كم كتاب اتسلى فيهم عن الطفل وغيره
بالنسبه للتخزين انا عندي فريزه صغيرونه بالاضافه ياللي بالثلاجه طبعا التمر والبن والبهارات الحب كلها بالفريزر لان كلها شهر وراجعين ان شاء الله وانا دائم فبل السفر مااحب اشتري اغراض للبيت عشان يكون تنظيف الثلاجه اسهل والله ودي اكتب لكم كمان بس مستحيه طولت مره :30:
اذا كنتي نازله زياره لاهلك هذا الصيف ادخلي هنا وانتي تعرفين ايش فيه
متابعة النقاش، صفحة 2