*** عاد اليوم جبت لكم غدايا ,, مكرونة غاية بالروعة طعماً وشكلاً ***

السلام عليكم

ترى هالمكرونة ما عرفتها الا من وحدة الله يذكرها بالخير ,,

كانت مرة ولدها والد ورايحين نتحمد لها بالسلامه وسبحان الله كانت في ذاك الوقت لحالها وتوها حاطة غداها ,, قالت زين اللي احد جا يشاركني الغدا العيال كلن بدوامه وانا لحالي جالسه قلت اقوم اسوي لي شي اكله وتوني مخلصة المكرونة وانتوا جيتوا يالله حياكم شاركوني ,,

وقتها كنا مو جوعانين بس اكلنا لقمة منها ودخنا في طعمها واكلنا الصحن كله ,,

يوم رجعت البيت قلت انا لازم اسوي هالمكرونة الخطيرة ,,


وفعلا سويتها وحازت على رضا الجميع ,, وان شاء الله حتى انتوا راح تحوز على رضاكم اذا جربتوها ,,


تابعوني بس لا تقطعون موضوعي ...


57 تعليق 7,358 مشاهدة

شاركي في النقاش

سجلي الدخول لإضافة تعليق.

التعليقات

57
  1. @shhzlan_2010

    صاحبة الموضوع
    رجعنا لكم


    اول شي نسلق دجاجة بماي وملح ونخلي الماي كثير لاني بستخدمة بعدين في سلق المكرونة بدال ما نحط ماجي






    بعد ما تصير لها ساعة الا ربع من وقت السلق نقطع بصل وفليفله ونحمسهم على النار مع الزيت ولا الزبد ..





    بتكون الدجاجة استوت نرفعها من الماي ونقطعها صغار ونقطع طماطة





    نحط مكرونة بماي الدجاجة عشان تنسلق ونضيف الدجاج والطماط للبصل بعد ان يصبح لونة ذهبي ونضيف الملح والبهارات وصلصة معجون الطماطم ..





    نخليهم يتسبكون زين لمن ينشف ماي الطماط عدل





    هنا المكرونة سلقت خلاص





    نصفيها من مويتها ونخلطها مع الحمسه ونرجعها بالقدر يتطاير بخارها عدل ..


    وفي هالاثناء نروح نسوي سر طعم هالمكرونة الرهيييييييب ..

    نروح نبشر جبن ابيض مالح هنقاري اللي يجي بالكيالو ونقطع شوية كزبرة ,, عشان نحطهم ع الوجه

    بعد ما تستوي المكرونة نحطها بصحون التقديم ونحط هالجبن الخطير على الوجه مع الكزبرة





    وصورة اقرب





    وكمان صورة



تابعي تجارب أخرى من هذا القسم.