راح ادخل بالموضع على طول لني من جد بموت من القهر انا ياطويلات العمر توني والده لي 3 شهور وكان شعري ماشاء الله تبارك الرحمن ثلاث ارباع ضهري يعني ماشاء الله مليان صح بس انه مو كثير بس معتدل وقريب للكثيف و ناعم المهم لي كم اسبوع اشوف شعري يتساقط وماانتبهت لنه صار قليل مرررررررررررررة وصار من قدام فراغات بس مو واضحه مره بس بموت قهر شهري يوم افتحه قليل قليل قليل مرة ولا بعد تقولين اني قاصه منه اه ياقلبي وانا ماعمري قصيت من شبر
يابنات الحقو عليه بخلطه ولا حبوب بس ماتمتن ولا زيوت اي شي اهم شي يرجع شعري مثل قبل ويوقف التساقط
ولكم دعوة من قلبي
شاركي في النقاش
سجلي الدخول لإضافة تعليق.
التعليقات
6- ومن صار لها نفس حالتي ورجع مثل قبل تسدح تجربتها الله يسعدها
- ياقلبي هاذا بعد الولاده والرضاعه انا صار معي كذااا بس استخدمي حبوب كبد الحوت وتغذي زين والفراغات استخدمي لها الجرجير
- حبيبتي مالك بعد الله الا هالخلطه وعن تجربه ماشاء الله كل من شافني قال شعر هنود ماشاء الله
بس بعد ماتزوجت صار مسؤليات وتخبرين منيب افضى للعنايه
المهم مالك بالطويله حبيت اساعدك لله وللي يستفيد من موضوعي
الخلطه هي بس يبغالها مداومه للابد والشي الزين مايبتل الا بالمداومه قد خبرتي هندي مافي بشعره زيت ينامون ويقومن عالزيت وانا منهبلين على شعورهم
نرجع لمقادير الخلطه
زيت زيتون
زيت براشوت
زيت سمسم
زيت صانسيلك الاصفر بزيت الزيتون والسيراميد اللي ب7 زيوت
زيت دابر املا بس لاتخافين من الريحه لانك بتخلطين زيت صانسيلك معه ور يحته حلوه
زيت النارجين اللي بقوطي اخضر القديم
زيت خروع الاصلي
زيت الجرجير
والافضل اذا زوجك طلع تفرقين شعرك مثل كنك بتحنينه او تصبغينه وتحطين بكل خصله
ومشطيه ولازم تكونين رايقه لها الشغله علشان وراك تمسيج ومسجي الجذور ع الخفيف وباقي الخصل نفس الحكايه
الين اخر خصله وكولي فيتامين خاص بالشعر واذا انتي ماتبين تسمنين كوليه قبل الفطور بربع او نص ساعه
وبعدين تغذي ماراح ينفع على شعرك اي شي الا لما تتغذين كثري من التونه وماتسمن بعد وكثري بعد من الاجبان قليلة الدسم والزبادي خطيرررررررررر والبيض لو تاكلين بيض مسلوق والاسماك بانواعها عموما
وعندي لك خلطه تسويها اسبوعيه ربع ساعه تخلينها بالشعر اذا نويتي تاخذين شاور
اللي هي
زبادي وعسل وبيض اخلطيها على حسب طول شعرك
وحطيه وتجنبي الشامبوهات اللي تجيك معطره
خليك على جونسون هالفتره اللي يزين شعرك على الاقل وشامبو نونو واذا غسلتي شعرك من الشامبو زين
وعلى طول حطي البلسم مو بشكل عشوائي فرقيه وحطي بكل خصله بالتساوي علشان تضمنين كل خصله فيها بلسم ومشطيه وعموما خذيها مني معلومه حمام الزيت ويا الزيت هو اللي يفرك بالجذور اما البلسم يطيح الشعر ويجيب قشره
ولما تخلصين من حمامك خمري لبتون شاي اخضر بمويه مفوحه من قبل اصبري للما تدفا او لماتبرد مو مشكله
واقلبي شعرك لتحت وصبي عليه الشاي الاخضر وبس وابشري بسعدك ان شاء الله
وحبيبتي للافضل انك كل مره تغسلين فيها شعرك اقلبيه لتحت علشان هالحركه تقوي الشعر وتطوله وتكثره باذن الله
ولما تجين تجعدين شعرك اسخدمي كريم او بديل الزيت من بانتين روعه بالتجعيد خاصه ان يخلي شعرك لمعه كنه رطب
ويثبته كنك حاطه جل وريحته حلوه
ملحوظه
لما تحطين بشعرك الزيت افضل تلفينه بطرحه او اي شي يتنفس من خلاله الشعر ولا تكتمينه ابد علشان يستفيد الشعر اما انتي اذا من النوع اللي يطلع رجلها الدوام وترجع تنام الصباح خير وبركه حطي الزيت مثل ماقلت لك الطريقه ولفيه ونومي وحطي مخده خاصه بالزيت ههههه اذا حابه طبعا لان افضل تزيتن شعرك وتنامين علشان وانتي نايمه تنفتح الجذور اكثر ويستفيد شعرك اكثر
واذا قمتي اغسليه بالشامبو والبلسم والماسك والافضل تخلين على شعرك البلسم 10 دقايق واغسليه زين وبعدها الماسك 3 الى 5 دقايق ولما غسلينه رطبيه بكريم البراشوت هذا اللي استخدمه اول لما قلت لك شعري كان حلو الا ليته يرجع مثل اول يارب
وحاولي ماتسشورين كثير غيري من تسريحات شعرك بس قد ماتقدري خلي الاستشوار مره الى مرتين بالاسبوع ان كثرت
واخيرا ادعي لي الله يرزقني مااتمناه دنيا واخره امين ويسعدني بامنياتي والمسلمين وان الله يرزقني ومن احببت جنات الدنيا والاخره والسعاده بالداريين ورضاه قبل كل شي اميين - نسيت اقولك الزيوت تخلطينها بنسب متساويه وانا عن نفسي كنت اجيب برطمان قزاز واحط من كل زيت فنجال اللي هو فنجال القهوه العربيه وبس
- الله يسعدكم ويرزقمك راحه البال ويوفقكم دنياء واخره
مواضيع مشابهة
تابعي تجارب أخرى من هذا القسم.