انا لاحظت انو الناس فاهمه انو الحجازيين
الحضر مالهم اصل بالعكس لهم اصل
زيهم زي البدو
بس لانو الحجازيين حضر وبدو
يعني الي اعرفو انو يتشابهو ف حاجات
كتيره عندي صحبتي حربيه هرجها نفس هرجي
مع اختلاف بعض العادات مثل ماذكرتي
مثلا هيه في زواحاتهم مايبجيبو الجسيس
علما انو صار عالمي وكتار بيجيبوه
بس انا بتكلم عن العادات هيه بتقول مستحيل
يجيبو مواويل ورقص عند الرجال
بس عندنا بنجيب ومن اساسيات
الزواجات عندنا وكمان المزمار
ولكن دحين احس الناس
تركت المجسات وصارت تجيب الفنانين الكبار:(
وصارت الزواجات غالبا للفشخره ومين يقدر يدفع
ويجيب اشهر فنان
اما اللهجات فخفففت خلص مو متل قبل
يعني حتى امي مابتحكي حجازي قح
يدوب ستي الله يطول ف عمرها ويشفيها
وانا اتزوجت شامي ودار راسي بين اللهجتين
الين ماصرت اتكلم بلهجه خاصه فيني
لاحجازيه ولاشاميه واولادي زيي والحمدلله
مازلت اعيش بمكه وبيت سيدي القدددددديم:44:
مازال موجود وفيه حاجات قديمه من لما مات الله يرحمه
ستي مارضيت تفتحه قفلتو وعاشت مع اولادها
ان شاءالله اصور الاغراض وافرجكم على تراث اهل مكه
وترى مشهور بيت سيدي الله يرحمه واسمو بيت ابوطالب
انا في بداية حياتي كنت متزوجه من قبايل
الطايف بس ماصار نصيب وبعدو بفتره اتزوجت
ابو اولادي دحين والحمدلله الحياه ماشيه
تحبي الهجة الحجازيه تفضلي ((كورس لغه حجازي تمام ))
متابعة النقاش، صفحة 42