الرجل الشمالي الشرقي ..طرق التعامل معه من تجميعي

هلا ام الخمائل حابة استفسر زوجي شخصيته شمالي شرقي كيف اتعامل معه نظامي ماعنده كلام رومنسي او دلع جدي بحياته بعض الاحيان اجلس افكر اقول كأني جالسه مع واحد من إخواني سواليف جادة والايتكلم عن عمله او ربعه واحيانا كلمة ورد غطاها مايبغاني البس الاساتر عشان ولدي عمره ثمان يقول البسي جلابيه وانا مالقيت له بال اقول ممديه على التستر اعيالي توهم صغار اجد صعوبة بتحصيل المال وش تبغين به وفي اشياء ثانية كررررررريم بس كمالياتي عنده مالها داعي والحمدلله ماعليه وبطلت اروح معه للسوق لأني اذا بغيت شي وماعجبه ماأقدر أخذه يحب اذاعزم أنوع له بس يكره أقوله جب اغراض خاصه اغراض الحلى وبديت اذارحت لأهلي اشري نص الأغراض ونص الباقي عليه ولااعلمه مدري كيف أتعامل معه  

احذري تدفعين عنه ريال واحد ان كان مالك مصدر غيره..

حمليه المسؤوية وبيغثك عند الفلوس لكن اصري واطلبيها مهما زعل اعتبري نفسك جدار وخذي حقك بقووة..

تحملي الله يعينك النظرات والبرطمة في السوق وكم مرة بيقول مامعي شي.قولي الصراف قريب! بيقول مواعد واحد..طنشي... بيقول وراي دوام قولي بس بشوف هذا الشي...بيغثك وينكد عليك بس سدي اذانك وعيونك عنه..

ان كان لك مصدر ثاني فهو ارحم من نقه وكلامه اللي يسم البدن... خلي عليه الاساسيات وجيبي كمالياتك ودلعي روحك.. وموب لازم يعرف وش اشتريتي لانه بيكسر فرحتك فيه وماراح يبسطك بكلمة او راي...

ولو شاف فيك اي تغيير او شي عاجبك وقال لك كلمة تحطم احذري تحسسينه انك تأثرتي..ميلي على جنب وابتسمي وقولي ما اخذت رأيك انا مسويته لانه عاجبني ...

اما اللبس فالبسي بنطلون مع بلوزة طويلة او قمصان لنص الساق او غيرها يعني غيري بس لا تلبسين عاري في البيت.. واذا دخلتي غرفتك البسي اللي تبين لايهمك..

انسي الكلام الحلو لانه كلما يشوفك تنتظرينه بيبخل فيه...

خليك واثقة من نفسك وسوي اللي تبين ولا تنتظرين منه اي تعليق واذا شافك مطنشة بيحاول يمدح ..قولي شكرا بس ولا تحسسينه انك تشققتي من كلامه...

يمكن زوجها ما يراها كفء لاتخاذ القرارت لانه ما يشوفها جديه ولا عملية...ولا حتى واثقة من نفسها..

خليها توقف عن الكلام الا في المهم...لاتعلمه بكل شي,,,لاتشاوره بكل شي الا الضروري ولا تتضايق من ردة فعله بل تطنشه مادام اللي سوته مافيه ضرر...

مع اني اعتقد ان نوعية خويتك مافيها حل ولا راح تتغير الا مؤقتا ثم بترجع بعد ضغط بسيط عليها وما تقدر تتصرف من نفسها التصرف المناسب ويمكن هالنصايح تضرها اكثر مما تنفعها اذا انطبق عليها كلامي..

فأنتي شوفيها واحكمي على شخصيتها ولا تنصحينها بهالكلام الا اذا لمستي منها عزم قوي على التغير<<ماظنيته مادامت تحب تفضفض وتتكلم كثير ..بس...