ملف المقبلات على اطفال الانابيب والحوامل في دولة قطر (التجمع العاشر )

مساء الخير على احلى تجمع والله اشتقت لكم

قطوة ميمي حبيبتي الله يعوض عليج يا عمري وتحملين يااااااااااارب طبيعي ولا تحتاجين انابيب ولا صنااعي

بنااااات وحشتوني كلكم بدون استثناء والله يكتب لكم يارب الحمل العااااااااجل يارب انه سميع الدعاء

حياتي تؤام الماء الله ييسر لج يارب و يثبت لج اجنتج عقب الارجااع وشدي حيلج وتراااااااااها تسااااهيل صدقيني


الحين فترة امتحاناات نهاية الفصل وعقبهاا الاختبارات الوطنيه اووووووووووف صج قهر ليش ما يفكوناا منهاا شنو فايدتهااا ما ادري تكملة عدد ولا تنقيص على راحة الاهل

الله يوفقهم الطلااااب واهل الشهاااده


اشوفكم على خير قبل لا اساااااافر لارض الحرم يااارب تسهلهااااا عليناا

القطوه ميمي:
الله يعوضج خير يارب.. ولاتيأسوا من رحمه الله ..
مافيه شي بالساهل ياقلبي وكلي امرج لله وقولي ( اللهم أجرني في مصيبتي وأخلفني خير منها)
وكل فشل وراه نجاح المهم مانيأس من رحمه الله ..
أنا 9 تجربات ةالعاشرة نجحت العمليات منهم خمسة والنفسية كل مالها ترتفع ماشاء الله ..
وهذي انا بكررها وبرد اكررها لو فشلت لانه عندي أمل كبير برب العباد...

وكلي امرج لله وكل اخت معانا توكل امرهاا وربي ماراح يخيب املها ..

تسلمين يا عمري على التفاصيل و جزاج الله كل خير .. الله يوفقج يارب انا لو راح اسويها عنده راح يكون في شهر 12 ان شاء الله مع اجازات اليهال بس للحين ما ادري انا استخرت وايد و احس نفسي ما ابس احاول و يمكن خلاص اوقف محاولات ما ادري الله كريم ..
بس تكلفة عيادة الدوحة عالية يزيادة ..احس البحرين افضل صحيح مع السكن راح تكلفني بس بعد انا اعرف عيادة الدوحة واكثر الناس ذمت فيهم ..
بس احس فحص الاجنة سعره عالي شوي لاني كنت ناوية اسويه .. لان سبحان الله شكل الاجنة عندي دايما ممتاز بس انا احس في يمكن في شي انا ما اعرفه و الله اعلم ..
انا في انتظار اخر الاخبار و الله يسير لنا جميعا يار ب.


انا اعرف عايشة صقر كانت في العمادي ما ادري للحين هناك و الا لا لاني كاني سمعت انها فتحت عيادة بنفسها او شي .. اكلها منوع و صحي ووايد ناس استفادوا منها ..

ابس اسألج اني وين سويتي محاولتج الاخيرة بالضبط في الاردن و ايش المختلف اللي سوه لج الاردن عن قطر ؟


الله يعوضج خير يارب ..رددي اللهم اجرني فيما اصابني واخلفني خيرا ... ربي يعوضج بحمل صحيح سليم كامل يارب ..
و ما دام حملتي هالمرة ان شاء الله تحملين المرة الجاية يارب .
اخذي وقتج في الحزن و الزعل بس لا تخلينه يسيطر على حياتج .. و ان شاء الله ترجعين اقوى من قبل يارب :27:



سبحان الله هي ارزاق انا نفس الشي اجنتي ممتازة وضعي ممتاز بس ما يصير حمل .. سبحان الله مالي رزق ..
الله يعوضج خير يارب .. تروحين بالسلامة ان شاء الله ..


ام اسمى شخبارج ؟؟ اشلون النفسية .. عساها فوق يارب ..



ام شيخة .. الله يعين اليهال على هالحر يارب .. ما عندهم سالفة بس الاختبارات الوطنية علشان كل سنة هالاختبارات الطلاب ما يعطونها اهمية و ما يقدرون يقيسون مستوى المدارس صح فخلوها بدرجات علشان الطلاب يحترمونها :27:
الله يتقبل منج ان شاء الله و لا تنسينا من دعواتج ..


انا اقول نفس الكلام الواحد يحاول و يسعى و يترك الرزق على رب العالمين ..

هلا بنات .... وين رحتواااااا اختفيتوا اختفااااااا تام عسى المانع خير ..
يا كووود لحمد الله النفسية و ايد زينة و بد خالص مالص ماافكر بالترجيع ولا بشي حتى الايام ماعدهم لان التجربتين اللي قبل من ارجع اتم افكر و اعد الايام و ابحث بالنت .. والراحة الكلية بالبيت .. هالمرة ابد يومين ارتحت و مارست حياتي عادي اطلع درج و امشي بالبيت و بالحوش و اتفقد المطبخ واسوق و متوكلة على الله ..

زين تسوين هذي افضل شي الواحد يسويه ........التوكل على رب العالمين ........والله يكتب لج الحمل ان شاء الله .......ترى شعور حلو الواحد يكون عنده طفلين سبحان الله غير ........
انا عن نفسي راح احاول محاولة وحدة بس بعد سنة اذا كتب لي الحمل اوكي اذا ماالله كتب خلاص الحمد الله عندي ولد وبنت .........وراح اسكر ملف العمليات من حياتي .........

( كود ) الاردن مايختلف عن الدوحة بالنسبة لوضعي انا حالتي بسيطة اعاني من تكيسات وزجي عند الحركة ضعيفة بس

بس المشكلة اللي كنا اعاني منها السمنة الزائدة فنصحني د زيد اني اضعف من وزني 25 كيلو وبعد اجيهم سبحان الله لما نزلت وزني وسويت الانابيب حملت مع ان عدد البويضات اللي سحبوها كانت بس 5 توقعت اكثر بس سبحان الله ربي كاتب لي الحمل .......
ماتدرين يمكن ربي كاتب لج الحمل على يدهم ...

( نانو 3 ) كلمت صديقتج وقالت ماتقدر تشوفيني لاني مااشتغل في البترول .........ومشكورة