ارشدوني---ماذا لو كنتو مكاني----

اخواتي الغاليات.......

بصراحه ياعزيزاتي أنا عندي مشكله أعاني منها من 8سنوات وبصمت ولكن أحس اني خلاص تعبت وودي استشيركم بهالموضوع

باقول القصه باختصار

انا من قبل زواجي كان من ضمن شروطي الي مااتنازل عنها في زوج المستقبل مايكون مدخن وكان هو يعر ف هاالشيء باعتبار انه قريبي
المهم اني تزوجت وبعد سنه من الزواج انصدمت وعرفت انه يدخن ووعدني يتركه لكن للأسف اكتشفت بعدين انه رجع وطول هاالسنين وأناأحاول بشتى الطرق يتركه مافيه اي فائده بالعكس أحسه الحين يدخن أكثر من اول ولاهو هامه عدم رضائي وكرهي الشديد لهذا الآفه وأنا ماني متقبله هاالشيء أبد ماأدري كيف أتعامل معه صحيح هو مايدخن قدامي مراعاة لمشاعري لكن حتى ولو تعرفون كيف قرف الدخان والله احيانا أفكر أروح لأهلي لحد ما يبطله ---
وأفكر حتى الحين بأولادي لما يكون أبوهم قدوتهم مدخن كيف يكون حالهم والله اني مقهوره منه وهو ولا هامه عادي عايش حياته
وكمان فكرت أقول لأهله لانهم مايدرون لكن أخاف ينصدمون بولدهم لانه الكبير وحاطينه القمه لاخوانه

والله اني احترت فيه وطفشت من هذا الوضع ومن المجامله على حساب راحتي --الرجال لو يكون في زوجته عيب أو شيء مايطيقه مايتحمل أبد ويطلع فيها عيوب الدنيا ويطلقها ولايتزوج عليها واحنا الحريم والله مساكين نصبر ونتحمل لحدماتتلف أعصابنا:44:

لهذا حبيت استشيركم اخواتي كيف أتصرف معه وش الحل المناسب لهذا المشكله

10 تعليق 839 مشاهدة

شاركي في النقاش

سجلي الدخول لإضافة تعليق.

التعليقات

9
  1. صاحبة الموضوع
    يااختي صحيح يراعي مشاعري لكن أنا اكره ريحة الدخان مره فما بالك اذا كان زوجك أقرب المقربين لك يدخن
  2. @aody_alfoshyh

    ياقلبي الله يكون بعونك انا صديقتي نفس حالتك بس لها سنتين تقريبا واكتشفت هالشي وماصارحته للحين ماتدري وش تسوي معه هل تصارحه ولا تكتم في نفسها علما بأنه مخبي عنها تكفون تبي نصايحكم اخواتي لها عشان اقول لها لانها تعبت من حالته واستغفاله لها الله ,,,,,

تابعي تجارب أخرى من هذا القسم.