منتجات دايسو ماكانت عاجبتني لأني احس ان رخص ثمنها يخليها اي شي ..
بس بعد تجربة اختي معاهم ومدح البنات لهم تشجعت وجربتهم ..
بصراحة روعة .. وهذي الأشياء اللي جربتها منهم
كريم اساس روعة وفي منه الوان ..سائل وزين للبشرة .. ماتتصورون شكثر بشرتي جافة وضبط عليها حييل .. وأختي دهنيه وهم تمدحه ..
------
اما هذا الجل يوضع قبل الكريم الأساس يخلي البشرة ناعمة الملمس .. عشان إذا انحط الكريم الأساس مايبين عيوب البشرة .. وبعدين يثبت المكياج ..
أما هذا كريم حماية ضد الشمس .. كنت استخدمة لوجهي ولإيديني تعرفون بالصيف شلون الشمس حامية .. وجدا ممتاز..
وبالنسبة لهذا فهو بخاخ لترطيب .. حلو توني أبلش في إستخدامة :)
وتحياتي لكم جميعا