السلام عليكم أخواتي ..عندي قناعه ان الانسان مهما بلغ من الحكمه والذكاء والعلم لاغنى له عن الاستشاره ويمكن تجي وحده اقل ذكاء منك وعلم لكن تهديلك رأي يكون سديد وصواب وينورك ويدلك فعلا على الطريق الصحيح.. لذلك كتبت هالموضوع اشاور الجميع بدون أستثناء
أخواتي انا عندي أم أعتبرها أبتلاء من ربي لي في هذه الحياه والحمد الله على كل حال والله يرزقنا الصبر
وماراح اتكلم معكم عن شخصيتها ولا عن كل مواقفها وافعالها معي ومع الكل .لان استشارتي لكم تتركز على مشكله وحده ..أخواتي انا لي تقريبا 4 سنوات مقاطعه جميع اقاربنا بلا أستثناء الطيب منهم والسيء والسبب أن أمي دأئما تتكلم فيني بالسوء عندهم وتحاول تبيني بصوره سيئه وكل شي يحصل في البيت تقوله لهم يعني اسرارنا كلها على برا اللي ينقال واللي ما ينقال وصرنا علك في حلوق الناس واذا تمشكلت مع ابوي راحت وعلمت الناس كلهم لين صرت احس ان اغلب الناس صاروا يحتقرونا وينظرون لنا بأستصغار ..كلمتها ونصحتها كذا مره بس ما نفع ..لين في الاخير زادت الحاله معها وصارت تقذفني بالزور والبهتان بأشياء كبيره ما سويتها مثل اني ما اصوم او ما اصلي يعني تشويه سمعه عند الاقارب بكلام كذب والله ..بتقولون وش السبب ليش تعاملك انتي كذا بس بقولكم مو انا بس اللي تأذيت منها هي تعامل كل الناس يعني تتكلم في خواتها وفي كل احد أغلب خواتها قاطعوها .. وصرت اخجل اقابل اقاربي من كثر ما قالت عني عندهم وانا اسمعها بأذني تتكلم فيني عندهم ...قررت اني اعتزل كل الناس اللي تعرفهم بسببها وفي نفس الوقت انا ما أؤمن بأن الشخص يعتزل الناس ولا ادري وش الحل ..اللي عندها حل تفيدني....والله اني في حيره.
شاركي في النقاش
سجلي الدخول لإضافة تعليق.
التعليقات
25- أولآ : الله يفرج همك عاجلآ غير آجل ..
ويحنن قلب أمك عليك ويألف بين قلوبكم ..
آميييين يارب ..
ثانيآ : بقولك شيء لاتقاطعين أحد ..
خصوصآ الرحم .. لان الرحم من وصلها وصله الله ومن قطعها قطعه الله ..
وهم عارفين وضع أمك .. وعارفين أنها تتكلم في كثير من الأقارب مثل ما ذكرت ..
فلو قاطعتيهم ماراح تستفيدين شيء ..
بالعكس هذا ممكن يثبت التهمة عليك ويقال أنها ما اعتزلت
الا لأنها فعلآ كذا ..متفشلة تقابلنا ..
لكن قابليهم ..واصليهم .. عيشي حياتك وانبسطي ..
ولو حسيت بتغير أو سئلت ..تكلمي بكل وضوح وداااااافعي عن نفسك ...
وقولي الحقيقة ..
اللي يصدق يصدق ..واللي ما يصدق مو لازم ..
أهم شيء أنت عارفة نفسك زين ..
فرج الله همك ..وأسعد قلبك .. - الله يعينك
شوفي أمك يامريضة نفسيا أو يمكن عندها مرض روحي
مو معقول الي تسوية
عليك بدعاء أن الله يستر عليكم
والله يهدي أمك
رجاء لاتزعلي من ردي - شوفي اختي بقولك شي واحد الزم ما عليك راحتك النفسيه اي وضع تشوفينه يبعد عنك مشاكل الناس وتفاهاتهم ويريحك نفسيا اتخذيه ..يعني لو مرتاحه لاعتزال الناس اللي تعرفهم امك اعتزليهم اذا كانوا مخفه ومزعجين ويقلون ادبهم عليك بسبب كلام امك ..ودوري من ترتاحين معه ويكون بعيد عن التلوث اللي تسببه امك في علاقات مع الغير... ولو حاسه ان اقاربك ما يصدقونها ويعاملونك بأحترام عامليهم بالمثل ولا تلتفتين لها ولا لكلامها..ولا تشغلين تفكيرك بسالفة ان امك مريضه او مسحوره او معها مرض روحي مثل ماقريت في احد الردود هاذي شماعات نرمي عليها سوء الناس لانه بالفعل فيه ناس سيئيين خلقتهم كذا و هالتفكير بيدخلك في دوامه بتتعبك نفسيا وماراح تلقين تفسير يريحك لذلك لا تفكرين ابدا ليش امي تسوي كذا ولا وش فيها وانشغلي بأشياء تفيدك وتنمي شخصيتك ..والله يوفقك
- اوووووف عورني قلبي على امك يختي يمكن امك زعلانه منك حاولي تتقربين منها الله يهديكم بس
طموحه 3 قلب منكسر الله يعينك شوفي أمك يامريضة نفسيا أو يمكن عندها مرض روحي مو معقول الي تسوية عليك بدعاء أن الله يستر عليكم والله يهدي أمك رجاء لاتزعلي من ردي
بسم الله الرحمن الرحيم اختي وحبيبتي الواثقة اسمك جميل ماشاء الله كااااااااااااان الله في عونك كان الله في عونك ياحبيبتي والله اني حاسة حجم المعاناة والالم والقهر اللي بداخلك الله يفرجها عليك الله يفرجها عليك والله يسااااااامح امك دنيا واخرة الله يسامحها واعرفي ان الله اذا حب عبد ابتلاه واصبري وماوراء الصبر الا الفرج والله يعوض ايااام الالم والقهر والحزن بايام سعيدة وتبان شمس الحقيقة عنك عند الناس والله يرزقك الزوج الحنون الطيب مخموم القلب ويرزقك بالذرية الصالحة امين عاجلا غير اجل امين يارب العالمين وصراااااااااحة حاااااااال امك ينرحم ينرحم بقوة ماادري احس الوضع ماهو طبيعي مثل ماقالوا البنات ياانها مريضة مرض نفسي اوروحي شافاها الله وعافاها حاولوا علاجها واكسبوا اجر فيها هذي مهما كان امك وروح قلبك الله يعافيها ويردها لرشدها وصوابها وبالنسبة للاقارب لا تقاطعينهم زوريهم وعلى كل الاحوال ماحدن مرتاح بها الدنيا وكلن على همه سرى وماراح انساك من الدعاء في ظهر الغيب واستودعتك الله :27:
مواضيع مشابهة
تابعي تجارب أخرى من هذا القسم.