شقه بتشطيبات واثاث فخم او فله عاديه ؟

السلام عليكم ورحمة الله وبركاته
انا يابنات اعتبركم زي خواتي لذلك حبيت استشيركم واخذ برايكم ..
زوجي عنده مبلغ معين ولا نقدر نوفر غيره ابدا فخيرني بين امرين اما ناخذ شقه تمليك وبكذا بيبقى عندنا مبلغ نأثث فيه وقالي اذا اخذنا الشقه راح نشطبها على كيفنا لانها لسى ماخلصت وراح تأثثين على كيفك يعني راح احط اللي ابي وانا الصراحه ودي بأثاث فخم واذا شرينا فله ماراح اقدر أئثث زين لان المبلغ يادوب يكمل سعر الفله
والشقه انا كنت رافضتها تماما لكن لقينا شقه عند واحد يعرفه زوجي ومواصفاتها حلوه جدا فيها 4 غرف نوم وصاله ومجلس ومقلط والدور مافيه الا شقتين فقط ولكل شقه خزان ماء وعداد كهرب واذا باخذ اللي في الدور الرابع راح يكون معها سطح يكون لنا زي الحوش وراح نشطبها على كيفنا وانا محتاااره مدري وش اختار ؟
انتم لو بمكاني وش تختارون ؟ ولو حتاخذو الشقه حتاخذو اللي معها سطح او اللي تحت ؟
انتظر مشورتكم خواتي :26:

64 تعليق 6,741 مشاهدة

شاركي في النقاش

سجلي الدخول لإضافة تعليق.

التعليقات

64
  1. @amy_ghla_rohy

    مرحبا اختي
    انا من راي قلبي انك تأخذين الفله والاثااااث بعدين (يعني كل متوفر مبلغ اثثي)
    اهم شي المطبخ وغرف النوم
    الشقه الحين قدكم لكن في المستقبل اكيد راح يزيد العدد وبتكون ضيقه عليكم
  2. عليكم السلام

    اولا على حسب المنطقه اللي انتي فيها

    ثاني شي : عن نفسي مااخذ شقه مصيرنا يكبرون العيال والبنات ونحتاج لمكان واسع نشتري فيلا وناثث مع الوقت ماهو لازم نكملها .. الحين صعبه الشقق حتى الصغار يبون ترفيه ومكان شرح

    ربي يرزقكم ويرزقنا من واسع فضله
  3. @hrm_moody

    لو انا مكانك اخذت الشقة وعشت فيها باثاث فخم ولا فله وجالسه على الارض ونص الغرف مقفله مافيها اثاث والشقه اكيد ام سطح جيبي مصمم ويقلبها لك حديقه والا ادخلي موضوع وحده هنا عن تزيين السطوح وبعدين حتى لو مليتوا من الشقه بعدين تكونون قد جمعتوا شويت مبلغ على سعر الشقه وتعوضين بفله احس الشقه افضل اذا ماعندك عيال كثير
  4. @bkaaa_tht_almtr_1

    أكيد الفللا ملك لك لوحدك ولاجيران ولاهم ولاازعاج والأثاث موشرط غالي أي شئ بسي وكل فترة اثثي الشئ اللي يعجبك ووفري من راتب زوجك على مصروفك ،احسن من شقة بمليووووون مرة ماتدري مين تجاوري


    وبالتوفيق ،،
  5. انا برضو اقول خدو فيلا ومو شرط تأثثوها ع طول
    على مهلكم
    يعني لو كل شهر تسوون حاجه
    فكري لقدام ياقلبي
    الشقه ممكن بعدين تصغر عليكم اما الفيلا لكم وللزمن :)

تابعي تجارب أخرى من هذا القسم.