صباااااح الخير خواتي
حدي مضايقه وتعبانه للاخر
انا حامل بالتاسع وحددت لي الدكتوره موعد ولادتي قيصيري يوم الثلاثاء الاسبوع الجاي وانا في هم مايعلمه الا ربي عندي ولدين الله يحفضهم اعمارهم 3سنين وسنه وشهر وكلهم ولدتهم عمليه والحمد لله على كل حال
الحين شايله هم عيالي ماعندي شغاله وبيتي كبير وش اسوي زوجي وعدني يجيب لي شغاله وطلع كله كلام عالفاضي وكل يوم يتعذر لي بشئ ودورت بالشهر ومالقيت الا ب3600ريال و4500ريال وش لو حتي اسبوع تهتم بعيالي وتغير لولدي الصغير انا عايشه بالجبيل وماعرف الا زوجه اخو زوجي ومره مالي صله فيها بسبب مشاكل صارت بيننا واخوي بالدمام بس ماكلمتني زوجته وقالت خلي عيالك عندي يعني ماحصلت اهتمام من احد مع اني وربي الشاهد انا وقفت وقفات معهم بحملهم وولادتهم وكانوايجيبون عيالهم عندي واهلي بعيدين عندي وماقدرت اولد عند امي لانها تعبانه وحرمه كبيره مابي اتعبها وزوجي حسبي الله ونعم الوكيل اقوله خلاص تحمل عيالك يقول مالي صلاح فيهم كانهم مو عياله انا وراي اشغال ومدري وشو خلاص نوديهم عند اخوي قلت وربي ماتهتم فيهم اعرفها زوجه اخوه يوم تولد تحط عيالها عندي وربي اخدمهم بعيوني واعاملهم مثل عيالي ويوم اولد ماتفكر تدق وتسال ولاتقول جيبي عيالك عندي بس تجي تزورني لمن اطلع من المشفى وتجلس عندي من العصر لمن اخر الليل وتمشى ولاتقول هذي نفاس تعبانه وتحس فيني وتخفف زيارتها ناس صدق ماتستحي وربي يعني الحين وش اسوي بالله ساعدوني
اي وحده من الجبيل تعرف حبشيات يشتغلون بالشهرب1200ريال لاني سمعت فيه بس ماعرف ارقامهم اللي تعرف ترسلي الرقم وتكسب اجري ولو مالقيت شغاله وش اسوي وشلون اتعامل مع زوجي واحسسه يهتم بعياله لانه مصمم يودي العيال عند اخوه وزوجه اخوه مافيها خير ولاسالت عني وشلون اوديهم لهم واصلا اعرفها ماراح تهتم فيها وخاصه ولدي اللي عمره3 سنين مايحب بروح لهم يقول ماحب خاله تخاصمني والبنات يضربوني وش اسوي وربي شايله هم عيالي على الا قل لو عندي شغاله تهون شوي تغير لعيالي في فتره ووجودي بالمشفى وبعدين انا اهتم فيهم
تكفون ساعدوني والا ارفعوا الموضوع بدعوه
شاركي في النقاش
سجلي الدخول لإضافة تعليق.
التعليقات
34- الله يفرجها عليك يااارب والله ماعندي خلفيه ياقلبي وان شاء الله البنات يفيدونك .....بس اذا انتي مضطره مضطره حطيهم عند زوجة اخوك ارحم من سلفتك
- الله يسهل عليك
أنا أقول لو تجيبين شغالة وتودينها مع عيالك لأخو زوجك
وإنتبهي تخلينهم وحدهم مع الشغالة
\
أتوقع إذا قيصري تبقين في المستشفى اسبوع
ويصير يجيبهم أبوهم من أول الزيارة إلى أن تخلص وياخذهم وبعدها إن شاء الله تطلعين بالسلامة
الله يعينك ويسهل عليك
أعرف رقم حرمة تأجر الحبشيات باليوم لكن بالشهر ما أعرف
إن شاء الله تلقين عند البنات - الله يهون عليك ويقومك بالسلامه
نصيحه اكثري من الاستغفار وقول لاحول ولاقوة الا بالله وبيجيك فرج من رب رحيم
الله يفرج همك ويرزقك من حيث لاتحتسبين - كان الله في عونك
طيب روحي عنداهلك صعبه لحالك حتى لوكانت امك تعبانه روحي لاتجلسي بعيد
اوخلي احداهلك يجي عندك لواسبوع اوارسلي عيالك عنداختك اواهلك
الشغاله ماراح تحل المشكله بيكون البيت فاضي وبتلعب - الله يفرج همك ويسخر لك
مواضيع مشابهة
تابعي تجارب أخرى من هذا القسم.