نتابع ..
خلينا نتوقف عند اهتمامنا بانفسنا وبمظهرنا فترة النفاس .. وخصوصا عند وجود ازواجنا !!
حاولي انك تلبسي بيجامات او قمصان مرتبه اول 10 ايام ..
قبل موعد مجيئه من الدوام سرحي شعرك بشكل مرتب .. اتعطري عطر خفيييييف
حافظي على نظافتك .. طبعا مع العلاجات اللي تاخذها النفاس طبيعي راح تكون فيه ريحة وريحة مزززعجة .. اتمنى انك تعطي لزوجك فكرة عنها من الحين مثل .. تصدق انا شااايلة هم اخذ العلاجات هذه مع اهميتها للتضييق <<< اهم ماعندهم:30:
راح ينط من مكانه يقولك لييييه ؟؟؟
قوليله .. علشان احيانا تطلع رييييحة تصدق قد ماخذ دش واحط كريمات وعطور مافي فايده .. خلاص مامنها داااعي :30:
هو .. لالالا عادي اذا علي اتحملها ماعليكي كللها فترة تعدي :D
ساعتها انتي بتكوني الكسبانه لانه مايعرف وقت النفاس ايش هذه الريييحة فيتضايق
اذا عرف السبب بطل العجب ..
وانتي لااازم تعطيه ايحاء بان الاعشاب اللي تاخذيها فظييييعه والكل يقول
انها ترجعك بنووتة واخواتك جربوها وقالو انها فظيييعه .. شوقيييه طول فترة النفاس وصدقيني
بعد الاربعين حتى لو انتي ماتغيرتي راح يحس انك افضل بالايحاء وهذه الحركة مجربة :30:
بعد اول عشرة ايام ممكن تلبسي لبس حلو في البيت ..
البسي برمودا مثلا ومعاها شراب يكون شكله كييووووت وحركات .. والبلوزة المهم تكون كمها طويل او نص كم .. تكون جذابة ..
يعني خليكي انيقة وفي نفس الوقت انتبهي على صحتك ولاياخذك هوااااا انتبهي ..
حاولي ماتثقلي بالميكياج ليييه ؟؟
في فترة الحمل 9 اشهر اكثر الحوامل تتغير بشرتهم مثل ظهور الكلف او الحبوب او ..
واحنا قلنا فترة 40 يوم ممتازة انك تحاولي ترجعي بشرتك صافيه ونقيه ..
اولا : لا ترهقيها بالميكياج ..
ثانيا : حطي خلطات طبيعيه وماسكات في الاسبوع 3 مرات ..
ثالثا : حاولي انك ترطبيها دايما بكريم لطييف يناسب بشرتك .. لاتخليها جافه ابدا ..
رابعا : بستحب انك تعملي مساج يوميا لبشرتك ..
وطبعا ممكن تحطي ميكياج خفيف بوجود زوجك مثل جلوس وكحل .. لكن حاولي تحطي يوم ايوة ويومين لا ..
نفس العناية لازم تكون بشعرك .. زيتيه في الاسبوع 3 مرات ..
وابتعدي عن السيشوار والسبراي انتي في فترة نفاس مو لازم تكوني جميلة جدا ..
المهم انك تكوني نظيفة ومرتبه ..
للحواااااامل بصفة عااامة وخصوصا الحوامل ببكرية .. تعالو لوسمحتو ابغاكم في كلمة راس !!
متابعة النقاش، صفحة 5