انا محتارة بالسفر بين دبي او عمان
قريت كثير وشفت صور كثير بس مو عارفة ايش احسن
دبي اكثرها اسواق وانا مابغى اسواق كثير
كسياحة ايش افضل وكيف الاسعار هناك بالنسبة للمطاعم والملاهي والمنتجعات وغيرها
كم تكون التكلفة لمدة 10 ايام
شاركي في النقاش
سجلي الدخول لإضافة تعليق.
التعليقات
7- مـــــــــرحبا الغاليه
بالنسبه للسياحه عندج وايد اماكن سياحيه في دبي
مثل مدينه جميرا - اتلانتس - برج خليفه - عالم فيراري في ابوظبي - الكوفي الثلجي - سكي دبي - وفي الصيف راح يتم افتتاح مدينة مدهش - وفي دبي مول مدينة كيدزينيا للاطفال روووعه
والاسعار مختلفه والمطاعم متنوعه ^^
وحياج الله :) - روحي لعمان 5 ايام ودبي 5 ايام
والصرفية تختلف حسب العدد والفندق اللي تسكنينه ووسيلة المواصلات
احنا رحنا لدبي 5 ايام وكنا 6 اشخاص وصرفنا 40000 مع التذاكر - هلا اختي...
انصحك 5 ايام صلاله و5 دبي
بالنسبه لصلاله الطبيعه تكون حلوة شهر 7 و8 بس مو كل السنين يكون الخريف قوي يعني ممكن يكون واصلين نص سبعه والجو ما فيه الا مطر خفيف وعلى فترات متباعده
او العكس ممكن يكون قوي من البدايه
يعني الطبيعه عندنا روعه
لكن بالنسبه للاماكن الترفيهيه فما فيه عندنا للاسف الا في موقع المهرجان وفيه هايبر ماركت صغير فيه العاب للاطفال بس مو الالعاب اللي بالمستوى المطلوب:(
وفيه اللولو هايبر ماركت يعني تعرفي هايبر عادي مو مول كبير
وفيه سوق اسمه سوق شارع السلام فيه يبيعون اشياء كثثرهتقدري تقولي سوق للاشياء النسائيه وقطع القماش القطن اللي تلبسه اغلب الحريم في صلاله ( لبس البيت يعني) وفيه قطع حقت الاعراس وكذا
يعني سوق عادي بس فيه اشياء روعه واسعارهم حلوة
وبصراحه بقول لك الشقق في الخريف تكون غاليه بس لانه موسم سنوي والكل يستغل وقت المواسم في كل الدنيا
واما دبي فهي غنيه عن التعريف ولو بغيتي تستفسري عنها اقدر اقول لك لاني دايم اروحها وان شاء الله بعد بكره رايحه لها سياحه :)
تحياتي لك - اذا تبغي سياحه حقيقيه وترفيه اكيد دبي
واذا تبغي جو وطبيعه اكيد صلاله
مواضيع مشابهة
تابعي تجارب أخرى من هذا القسم.