طفشت من تعليقات بيت اهل زوجي ابي اي احد يواسيني

مرحبا ..
انا وزوجي عايشين في غربه و نكلم الاهل تقريبا كل اسبوع
المهم هذي اول ولاده لي و بجيب ان شاء الله بنوته .. دخلت الثامن و عندي سكر حمل و الدكتوره قالت لي احتمال انولدك بدري عشان ما يكبر حجم الجنين.
و يوم قلت لي بيت اهل زوجي انه احتمال اولد بدري قالوا لا يولدوك بدري ايش عرفهم .. و لا و عملوا قضيه انتي تبي تولدي بسرعه و من هل الكلام الي يغث.
و انا اقول انا ما ابي اولد بدري بلعكس انا ابي ادخل التاسع.. يقولون لا انتي تبي تولدي بدري دلوعه و احنا الاول ندخل العاشر و ما تقول شي. >> و لله دمعت عيوني .. يعني الموضوع مو بيدي الدكتوره هي الي تقرر ..

وشي الثاني .. انا وزوجي قررنا انسمي بينتي ألين و مره عاجبنا الاسم و مو همنا اي احد اهم شي عاجبني و عجب زوجي.
يوم قلنا لي بيت اهل زوجي .
ما عجبهم الاسم .. و كل مره نحكي معهم يقولون لنا غيروو الاسم مو حلو الطفله ما راح تحب الاسم و سموها اسم يتمسا مو ألين.. و انا اظل ساااااكته ما اتكلم و احبس دمعتي .. و زوجي يقول لي امه .. ليش مو عاجبك الاسم ايش فيه .. تقول له بس ما عجبني الاسم مو حلو و ما ابي اول حفيده بإسم ما يتسمى .. و حرام عليكم تسموها هذا الاسم الطفله بتكبر يوم و بتتفشل من اسمها >> و من هل الكلام الي يغث..
و انا ظليت ساكته و مغبونه كل مره اسكر السماعه عيوني في دمعتي من تعلقاتهم .
و أبو زوجي .. الله يهديه كل مره انكلم متأكدين انها بنت مو ولد .. و أنا اقول اي بنت الله يجيبها بالسلامه .. و يرجع يقول لي متأكدين .. يعني لو ولد احسن . و انا و زوجي انقول الحمد لله .. الي يجي من ربي خير و نعمه .. و اهم شي صحه و العافيه

يعني انا ما ادري الى متى الناس بظلوا عندهم عقده الولد و البنت .. كلهم خير و نعمه من رب العالمين

حبيت افضض شوي اسمحوا لي طولت عليكم 

51 تعليق 4,737 مشاهدة

شاركي في النقاش

سجلي الدخول لإضافة تعليق.

التعليقات

50
  1. ما عليك من أحد ..........
    يا ما سمعنا كلام وطنشنا ...............
    أهم شي صحتك وصحة النونو ..................
    الله يقومك بالسلامـــــــــــــــــــــــــــــــــــــــــــــــــــــــــــة .................
    ادعي لي ....
  2. @nofatyk

    وكلي أمرك لله ولاتزعلي نفسك

    ترا كلام الناس ماينتهي ولو بتحطين كلامهم في بالك بتكدرين حياتك على الفاضي

    رضا الناس غااااااااااااااية لا تدرك

    والله يقومك والنونو بالسلامة
  3. @lameeees

    مالك شغل فيهم أصلا المفروض من الأول ماقلتي أنك ممكن تولدي بدري لأنك ماتدرين وش ربي يكتب لك تولدين بدري أو تدخلين التاسع هذا شيء بيد رب العالمين ..
    الله يسهل عليك ولادتك ولا تفكرين بهالأمور خلي تفكيرك بصحتك والبيبي وبسسسس
    طمنينا عنك
  4. @am_ghadh_2011

    انتي مكبره الموضوع اللحين انتي بعيده عن غاثهم وعن كلامهم ( طنشيهم ) ولاتفتحين معاهم الموضوع يعني هم اشطر من الاطباء
    طنشيهم ماعليك منهم وين شخصيتك ؟؟؟
  5. @hrof_nor

    ولا كأنك سمعتي شي طنش تعش تنتعش >>> كلام لايودي ولايجيب ..قولي الله يكتب اللي فيه الخير..ادعولي بس وغيري الموضوع ....ولاتناقشين في موضوع يخصك أنتي وزوجك وتضيقين صدرك >> التعب عليك ..الله يسهل لك و يقومك بالسلامة...

تابعي تجارب أخرى من هذا القسم.