خلونا ندعيلهم ،، ونتعظ ونتغير للافضل ,,

@frnaz

صور ؟؟؟ ،، اللي ماتبي تشوف لاتنزل ،،

نبهتكم عشان اللي طفشانه ماتسوي سالفه من الصور ههههه





























يتبع

19 تعليق 1,986 مشاهدة

0 0

شاركي في النقاش

سجلي الدخول لإضافة تعليق.

التعليقات

19

  1. @frnaz

    صاحبة الموضوع
    آآآآآآآه صور تقطع القلب ؛؛ شتان بين المجموعه الاولى والثانيه











    والله اللي نشوفة شي يدمي القلب ... ربي انعم علينا وللاسف اسرفنا على انفسنا


    والله لو انحرمنا يوم واحد بس عن الاكل والشرب كان تشوفون حالنا شي ثاني ..








    واحد من قرايبي راح يعتمر برمضان هو واهله وكان ليلة 27 ،، سافرمن الرياض وصل مكه


    ولا امداهم يتسحرون وكانوا جوعانين ،، تعبوا ولا قدروا يكملون صيام ،،


    الساعه 9 الصباح ،، صار يدور يبي يشتري شي يسد جوعهم ،، بس


    البقالات مقفله ،، ماخلوا مكان حتى المحطات يدورون فيها ؟؟ والله يوم يحكوني عن الجوع


    والعطش والتعب اللي جاهم انه شي ماحد يصدقه ؟؟ سبحان الله يوم واحد ماقدروا يواصلون


    صاروا يبون أي شي ،، تقول صرنا ندور بسلال القهوه اللي معنا نبي تمر ،، نبي أي شي


    وللاسف مالقوا ،، حسوا بقيمة اللقمه ،، صار التمر عندهم شي غالي ،، البسكوت اللي الاطفال


    ياكلون ويرمون صار مهم بالنسبه لهم ،، اسأل الله ان يديم علينا نعمه ..













    اخواتي من ذكر الله بالرخاء ذكره بالشده ،،






    لازم نراقب يومنا ،، الوجبات الثلاث نطبخها مقاس العايله لايزيد شي ،،






    نراقب الشغالات والله ياهم يسرفون اسراف اذ تركنا لهم المجال ،،






    مابين الوجبات الحلى وووو لايرمى شي ،، لو الباقي قليل تعودي ماترمينه ،،






    بواقي الخبز والصامولي اجمعيه وترى كثير من العماله يعرفون اصحاب مزارع


    يبيعونها عليهم ..اللي عليك تجمعينه بالفريزر او تنشفينه واذا اجتمع ترسلونه ..


    اهم شي اسألوا ودوروا المحتاجين وبتلقونهم ..






    والاطفال صحنه لازم يكمله ،، ذكريه وقولي قصص عن المجاعه اللي بكل مكان ..


    قولي له عندنا ناس بالسعوديه ناس محتاجه ناس يبون لو يطبخون على عظام ،،


    بس مستورين في بيوتهم ...


    اذا عودتيه من صغره بتصير قاعده عنده ،، حتى اذا كبر يصير حريص ..


    عاد تكسبين الاجر لانك انت اللي غرستي عنده عدم الاسراف ...







    والله المدارس فيها شي يبكي الاكل مرمي ولا تأنيب ضمير ولا شي ؟؟


    المفروض الكل يقوم بدوره الاهل ،، والمدرسه ..





    والفسحه نعودهم سواء أخذوا من البيت والا اشتروا من المقصف ..

    مايرمون شي ،،












    اذكر يوم كنت صغيره تعودت اذا افطرت كورن فلكس ابقي الحليب الاخير


    تحاول امي واقول مقدر ووو وتستسلم ،،


    المهم في يوم كان اخوي الكبير جالس     واكلت وقمت قال كملي قلت مااقدر .. ّ!!


    والله مانسى كيف تفاجأ وشو اللي ماتقدرين هذي نعمه     واللي تسوينه هذا اسمه دلع ،،


    واعطاني محاضره ،، وصار يوميا يراقبني اذا افطرت وينصح     ومع الايام تعودت


    اكمل صحني واشرب الحليب الاخير اللي كان يحوم كبدي لو افكر اشربه ،،


    فالدعوه يبيلها قوه وحزم من الام وتذكير ،،










    وامي كانت فاقعه قلبي بأحدى الدول تقول


    اللي تشوفينهم عندنا يشتغلون ودوله فقيره ترآها كانت زمان من اغنى الدول ؟؟


    والسبب اللي خلاهم كذا هو التبذير والاسراف ،،


    والله اني اذكر كلامها وانا صغيره مره ،، وماراح عن بالي ،،











    الاجازه على الابواب ..




    ياليت نخلي اجازتنا هذي السنه غير ،،






    في المطاعم


    لا نقوم والطاولات باقي فيها ؟؟ نشيل الزايد حتى لو قليل     ونحفظه بالفريزر ،،


    وبكره زودي عليه من الموجود ؟؟ وارسليه للبلديه     تراهم يآخذون ويفرحون ،،


    وحتى اللي يشتغلون بالمحطات مايردون اي شي تعطينهم ؟؟


    اهم شي لانرمي .. ان الله يمهل ولا يهمل ..






    في الاجتماعات والعزايم والمناسبات

    نكون حريصين ،، الرمي هذا والاستهتار بالنعمه     نشيله من القائمه .. في جمعيات يستقبلون الاكل الكثير ..


    اللي تبي رقمهم بجده والرياض     تقولي عشان ارسلها على الخاص لان ممنوع وضع الارقام على العام ..


    وممكن الاكل نقسمه بأكياس و نوزعه على العمال ..






    كوني يالغاليه حريصه ودايما اذكري اللي يتمنى ريحة الطبخ ؟؟












     اما المويه الله يغفر لي مسرفه فيها بشكل ،، والله استغربت الاسبوع الماضي


    انقطعت المويه عن عمارتنا ،، وكنت بصلي أخذت مويه صحه الصغيره وتوضيت


    للصلاة وكفت ؟؟؟ تخيلت كيف نفتح البزبوز ؟؟ كبف نتروش ؟؟؟


    الله لا يحرمنا من نعمة الماء ،، والله ما نستغني عنه ،،











    اسأل الله ان يشرح صدوركم ويزيل همومكم ويرزقكم الفردوس ومن تحبون .

  5. @thkr_2

    الحمد لله ع نعمـــه التي لا تعد ولا تحصـــى

    واولها نعمـــة الأمن والأمان الله يديمها من نعمه ولا يغير علينا ..

تابعي تجارب أخرى من هذا القسم.