السلام عليكم ورحمة الله وبركاته
هذه قصة وحدة تعرفها امي وهي :
امي تشتغل مرشدة طلابية وكانت دائما تلاحظ على احد البنات شرود وتفكير
المهم جت ام هالبنت وكانت ماشاء الله اخلاق سألتها امي :ليش بنتك كذا ؟
قالت : ابي اقول من البداية
يوم تزوجت سكنت مع حمولتها كانت تعاملهم بكل احترام حتى هم كانوا يعاملونها مثل البنت واهلها
وكل شي تمام مع رجلي حوالي 18 سنة من زواج ورزقني الله منه ب6 عيال(3اولاد و 3بنات)
المهم كانت وحدة من قريبات رجلي(بنت عمته) تجي كثيييير لمنا وبعض الأحيان تنام عندنا
وأنا كنت أرحب بها وماكنت اشك فيها
بس بعدين وضحت السالفة كلها كانت تغازل زوجي وانواع الرسايل والمكالمات والعياذ بالله
الى ان قال : ابي اتزوجها
كانت صدمه لي بس تقبلت الوضع وقلت : لازم تطلعني ببيت لحالي انا وعيالي
وافق وطلعنا ببيت إيجار وتركنا المهم يوم جاء وقت الملكة
كان شرط البنت :تبغاني اتزوجك طلقها وماراح اقبل غير كذا
شوفوا الوقاحة والنذالة اصلا مايجوز تطلب هالطلب
والمشكلة وافق على طول وطلقني وبكل بساطة
وامه اتصلت تصيح مرة وقالت: حليني يابنتي والله ماتوقعته يعملها وهي تصيح
قلت : ياخالتي بحل انت اصلا مالك اي ذنب لكن عسى الله يهديه ويرجع لرشده
لكن قضاء الله وقدره توفت خالتي عقب زواجه باربع اشهر من الهم والقهر الي صارلها بعد زواحه
(الله يرحمها رحمة واسعة) وحظرت عزاهم وعزيتم كل عيالها مع انه مافي اي صلة بيني و بينهم بعد الطلاق
تزوج وصار قليل جدا يجي عياله يشوفهم حتى المصروف قليل يعطينا بس يسدد الإيجار
وبعد مدة حملت البنت واظنت وهي بنفاسها جاء الاب عشان يشوف عياله قال لولده الكبير:
انا راح ارجع امك طار الولد من الفرحة وكل عيالي لانهم كانوا يحبونه مرررة
وبعد ما طلعت مرته من الأربعين ااااختفا مرة وحدة صار مايجينا ابد حتى عياله مايسال عنهم ابد
والى الحين مايجينا وعيالي مشتاقين له ومكسورين لانه ما وفا بوعده انه يرجع امهم
عشان كذا نفسية بنتي زفت الله يصلح الأحوال
و انتهى كلامها
يوم قالت لي امي القصة متت من القهر لكن الله يثبنها على هالمصيبة
وكل متزوجة تحذر من انه يخلو زوجها مع غير محارمه
وبالنهاية اتمنى الدعاء لها من كل قلب وان الله بفرج همها
ولاتنسون ذكر الله
شاركي في النقاش
سجلي الدخول لإضافة تعليق.
التعليقات
17- استغفر الله مدري وش اقول
لعنبو ابليسك بتاخذين الرجال لاتشرطين طلاق مرته وين تبين ربي يوفقك
وانتي طلبي شي مايجوز اصلا
وهو بعد ماعليه حسوفه اللي يبيع ام عياله وعشرتها عالاقل ياللي مانيب قايله
خلها على ذمتك حشمه لها ابد الحريم مايدورون بعد طلاقهم عرس لاصار عندهم طفل او طفلين
فمابالكم ب6 والله غير تفكيرها كله فيهم حسبي الله وكفى
عموما ربي موجود ومطلع والله يفرج همهم
وقولي لامك تتقرب من البنت وامها وتحاول تطلعهم من ازمتهم هي مرشده وعارفه بالنفس البشريه - الله يفرج همهم يااارب
حزنتيني عليهم - حسبي الله ونعم الوكيل على خرابات البيوت الله ينتقم منها ويأخذ حقهم منها وجعل كل وحده تخرب بيوت الناس يشغلها ربي في نفسها والله يعين هالبنت على مابتلاهم ربي ويكونوا من الصابرين[/SIZE]
- حسبي الله ونعم الوكيل ايش في الحريم انهبلن وصارن يخطفن الرجال من مرته عيني عينك
لاحول ولاقوة الا بالله اشغلتهم الدنيا ونسيو الاخره الله لايشغلنا الابطاعته
الله ينصرها يااارب ويرده لها ردا جميلا اقسم بالله قصص تشيب الراس الواحد صار يخاف يتواصل مع قرايبه من اللي يشوفه الله يرحمنا برحمته - لاحول ولا قوة الا بالله الله يعافيهم ولا يبلانا
مواضيع مشابهة
تابعي تجارب أخرى من هذا القسم.