عروس مصدومة في زوجها وصاحبه

السلام عليكم ورحمة الله

كيفكم حبيباتي الموضوع من غير مقدمات هذي قريبتي جاية من شهر العسل (وهي صغيرة وعلى نياتها )سافرت مع زوجها لدوله عربية (هو متعود يسافر لها)

واول ما رجعت اتصلت علي وهي تبكي ومنهارة
تقول اول ما وصلوا قالها زوجها عندي صديق من دولة عربية ثانية مقيم في الدولة اللي راحو لها
يبي يروح يسلم عليه وفعلا راح سلم عليه وجابه معاه!!!
تقول اسبوعين وهالصديق معاهم ياكل ويشرب ويسهر ما يفارقهم غير عند النوم وطول الوقت هو وزوجها سكرانين
تقول شهر رعب مو عسل حتى نوم ما تنام من الخوف وصاحبه يحاول يتقرب لها يقولها زوجك ما يستاهلك وانا احبك وشغالة اهل زوجك حملت من زوجك عشان هيك سفروها تقول ابكي واقول لزوجي رجعني البلد يقولها انتي معقدة وما يخليها تكلم اهلها غير وهو عندها عشان ما تعلمهم
والمصيبة سهراتهم في المراقص والنوادي الليلية
وهي معاهم في البداية كانوا يروحون اماكن شبه محترمة وبعد كذا تقول راحوا نادي ليلي اول ما شافوها منعوهم لانها لابسة عباية وقام زوجها وصاحبه يقنعونها تفسخ العباية وهي رافضة ومفجوعة قالها زوجها ان ما فسختي العباية اوقف لك تاكسي ارجعي الفندق واحنا بنكمل سهرتنا!!!
وتدخلت موظف الاستقبال بالنادي وصار يقنعها معاهم ويقولها عبايتك عندي بالحفظ والصون لين تخلص السهرة!!!
تقول حسيت نفسي بين عصابة
وعطتهم عباتها ودخلت مكان مخيف وانوار خافتة
والخمور رايحة جاية والرقص وطلبوا ويسكي وسكر زوجها !وصاحبه صاحي بدأيتقرب لها وفجاة قالها فيه ابر لمنع الحمل مفعولها ست شهور روحي مستشفى يعطوك ابرة ولو حبيتي انا اروح معك لانك صغيرة على الحمل تقول انفجعت وطالعت بزوجي لقيته بعالم ثاني رجع قالها انتي عندك الدورة الحين والوقت مناسب للابرة تقول مت من الخوف وش عرفه ان عليها الدورة كمل كلامه وقالها زوجك جاني امس يقول جيب لي بنات عشان زوجتي عليها الدورة
تقول طلعنا وهم سكرانين وركبنا مع تاكسي مشغل شريط قرآن قاله صاحب زوجها طفيه
احنا احقر من اننا نسمع قرآن !
تقول بديت افوق واصرخ رجعني لاهلي والله ببلغ الشرطة تقول حسيت كني مخطوفة مو مع زوجي بعد بكاء وصراخ رجعوا تقول حتى وحنا طالعين للمطار قابلهم صاحب زوجها وقالها ما كنت افكر فيه بنت برئية مثلك خليكي طول عمرك هيك واوعي تنصدمي وتتغيري ولا تنسي نصيحتي بالنسبة للحمل لحتى ما تندمي !!
وهي مصدومة وتقولي وش اسوي حتى ما قالت لاهلها
قلت لها اتركيه ما منه رجاء لكنها خايفة تقول وش يقولون الناس ما صار شهر متزوجة واتطلق

قلت ما لي غيركم تشورون عليها كيف تتصرف هي تبي تتركه لكنها مصدومة وخايفة من كلام الناس
انتظر ردودكم ياغاليات

257 تعليق 22,624 مشاهدة

شاركي في النقاش

سجلي الدخول لإضافة تعليق.

التعليقات

250
  1. @gory_algnob3

    بدون تفكير تتطلق واحد ماغار عليها وخلها تفسخ عبايتها باقي ينرجى منه شي
    خلي الناس يقول الى يقول والله لو جاب لها الايدز راح تندم
    الله يعينها على ها البلوة
  2. @fy_mhm

    بلا كلام ناس بلاخرابيطهم والله لو يجيها شي مع هالتعبان الله لايبلانا مااحد رحمها وبيتكلمون ولااحد مسكر افواههم ..

    حسبي الله عليه وعلى كل من هو مثله الله يرفع عنه ولايبلانا... الله يحفظ دينها وعقلها ويعوضها خير منه..

    الله ييسر امرها ويفرج كربها ..
    حسبي الله ونعم الوكيل حسبي الله ونعم الوكيل..
    خليها تقول لاهلها وهم يتصرفون
  3. @88lhth_ghrob88

    خاااااااااااااايفه من كلام الناااااااس

    ومو خايفه على نفسهاااااااااااااااا

    اعوذ بالله من هالزمن

    الله يستر عليهااااااااا

    وضروري تبلغ احد من اهلهاااااااااااااااااااا

تابعي تجارب أخرى من هذا القسم.