بنااااات سمعوني زغروطه .. حمدلله كما ينبغي لجلال وجهه وعظيم سلطانه فكينا الكرش ونزل النونو.. وطول اليوم وهو يصيح ومكشر ورافع حواجبه حسيته زعلان انه طلع من بطني :angry2:.. بالعافيه ولدته .. ناشب ببطني ويوم فتح الرحم 9 سانتي فرحت قلت يالله هانت بس التعب الحقيقي كان بخروجه راحت طاقتي وانا ادف فيه بطلعه وهو مو راضي يطلع :angry2:.. حسيت الدكتور اخر شي بيدخل راسه ويتفاهم معاه :angry2:
ومن اول مانزل من بطني تخيلو مارضع جلس اكثر من 8 ساعات مارضع ولا شي .. مسوي اضراب عن الاكل.. وانا وامي نتفاهم معاه ..ياولد ارضع .. ياماما تغذى .. وهو مايبي ياكل :angry2:.. وانا مدلده صدري له بسويله اغراء وهو مايطالعني :angry2: .. بس حمدلله اخر شي ربي هداه وخزا ابليس ورضع بس على طول وسخ :30:
عقبال كل البنات يارب .. ربي يسهلهم ويفرحون باطفالهم ..يابنات لاتخافون من الولاده وربي يابنات تنسوووون كل التعب لاشفتو البيبي .. تخيلي انها الام دوره بس اشد شوي واخرتها ان شالله بتفرحين بطفلك .. ومافيه شي حلو يجي من دون تعب .. انا رحت وانا ارجف من الخوف لاني جربت العلقه مرتين :o .. ويوم قلي الدكتور بكشف عليك من تحت وبفتح المويا جلست رجلي ترجف رجف اتنافض واهتز من فوق لاتحت من الخوف للدرجه ان الدكتور رحمني مره .. بس حمدلله فتره صعبه وعدت .. اهم شي الدعاء ثم الدعاء ثم الدعاء اددعي الله وانتي متوكله عليه .. وحاولي انك تسيطرين على نفسك لاتصرخين وتشدين بشوشتك لانه حينفذ صبرك ..على فكره انا قريت موضوع لوحده تقول وقت الطلق خذي نفس يعني شهيق قوي وزفير بشويش ويوم سويتها حمى الطلق وحسيته بالمه اكثرررر وصرت اقول الله لايعيدك ياللي نزلتي هالموضوع :42: يعني هالطريقة مانفعت معي بس يمكن تخليك تسترخين
واعرفي ان كل شي باجره ان شالله
والله يجزي امهاتنا الجنه
$/₪▓Ξ❤Ξ»¯−ـالتجمــــ 18 ـع لتباشير مواليد 4أبريل 5مايو 6يونيو ـ−¯«Ξ❤Ξ▓₪/$
متابعة النقاش، صفحة 389