معقوله فيه متزوجين وعايشين مع بعض مجامله بدون حب

مصدومه مقعوله فيه رجال وحريم كذا

قبل كم يوم سمعت ان رجال معيشه زوجته احسن عيشه ولا مقصر معها بشي وحتى يعترف انها مو مقصره معه بشي وجمالها مقبول هو بنفسه يقول مافيه عيب وعنده منه اطفال يقول امي خطبتها لي ووافقت عادي مثلي مثل غيري بس يقول ماحبيتها له معها اكثر من 4 سنوات يقول حب فاقده بس ماحسستها اني ماحبها





وحتى فيه حريم نفس الشي تعيش وهي ماحبت زوجها



كيف تكون الحياه


حتى وحده تقول ترى مو شرط الزوج يحب زوجته ممكن مجرد زوجه لكنهم مرتاحين ومو مقصرين بشي مع بعض ومريحين بعض
يعني استغرب




يخلونا نشك باللي عندنا هههههههه

44 تعليق 12,429 مشاهدة

شاركي في النقاش

سجلي الدخول لإضافة تعليق.

التعليقات

44
  1. @sodt_ogh_alghla

    صح الحب ترا مو شي اساسي ..اهم شي الاحترام والثقه والحياه تمشي يعني مو كل واحد تزوج وحده لازم يكون يحبها او انها هي تحبه لانه ماحد يقدر يتحكم في مشاااعره
  2. @am_loly_alghaly

    اكيد فيه وكثير كمان وممكن تكون علاقاتهم ناجحه اكثر من الي يحبو بعض
    لان فيه رحمه وموده بينهم واحترام ومافيه تجاوزات مالها معنى
    عشان كذا كل واحد بيكون مثالي مع شريكه
    مايفضح شخصية الواحد غير الحب والي يحب بس هو الي يكتشف عيوب حبيبه وعلى كذا تترتب مشاكل كثيره
    وممكن من كثرة الحب تتغير سلوكيات الشخص
    ماعرفت اشرح
    بس الاكيد ان الحب في الحياه الزوجيه مهم بسمو اهم شيءد
    مع العشره بتلاحظين ان الوحده حتى وان ماكانت تحب زوجها بس تخاف عليه وتغار عليه وتحاول ترضيه لانها تحبه بس بدرجه معينه ماتقدر تتجاوزها لاسبابها
    وعموما حب عن حب يفرق
    وعلاقه عن علاقه
    تفرق
  3. @mshaaal_53

    البنت اول ما تتزوج .. يهمها إن زوجها يحبها ويدللها ويدلعها . بس بعد الخلفه .. يكون اهتمامها كله لعيالها .. وتصير عايشه على شانهم .. لأنهم هم اللي راح ينفعونها

    وانا اشوف اهم شي الأحترام .. والموده والرحمه .. وتلبية الطلبات .. وما يقصر عليها بشي ..
  4. @dlhn

    اش معنى الحب في بالك..؟؟
    اتحدى رجااال عايش مع زوجه يكرههاا والا زوجه تعيش مع رجال تكره
    هذولا اللي يقولون لك كذا او سمعتي تلاقي مابينهم رومنسيات الغنج والدلع فقط..
    لكن كون انه متهم فيهم يجيب لهم مو مقصر هذا بحد ذاته نوع من انواع الحب في الحياة..
    كون انه طلعهاا فسحهاا هذا تقدير لها ولجهدوهاا بالبيت..
    كون خلهاا تجي وتروح وتخالط هذا واثق في كل خطوة تخطيهاا يعني نوع من انوع الحب في الحياة..
    كون يكلمها يجادلها ياخذ رائهاا هذا يحترم وجودها بحياته..
    وبقلك معلومه هذوول النااس اقرب وارق واعذب ناس من اللي بينها وبين زوجهااا رومنسيات ودلع
    واتحدى هذولا يستغنون عن بعض..
    شوفي اللي غارقين بالحب كل يوم والثاني مضاربات ماسويت ماتحبني مافعلتي ماتحبيني وهكذا..

    الزواج موده ورحمه عطف وحنان وبالاخر يجي حب..
    اذا فهمتي زوجك صح هذا الحياة الزوجيه..

    لكن شوفي تحبي زوجك وهوا يحب بس المشاحنات البسيطه اللي عند اتفه الاسباب تقلب حياتك نكد صح والا غلطانه..

    عشان كذا الحب الرومنسي الدلع والحركات هذه مو كل الحياة الزوجيه ابد يصير ملل
    وسلامتك

تابعي تجارب أخرى من هذا القسم.