للبنات اللي سافرن للصين

البنات اللي سافرن للصين

هل هي سياحيه وهل فيها اسواق رخيصة زي مانسمع

ممكن اسماء الاماكن السياحيه والاسواق والفنادق وكيف الامن هناك والاجواء
واسعار التذاكر

5 تعليق 4,625 مشاهدة

شاركي في النقاش

سجلي الدخول لإضافة تعليق.

التعليقات

5
  1. @aaashk_alfrdos_12

    السلام عليكم ورحمه الله وبركاته

    حبيبتي الصين بلد سياحيه وتجاريه مثلا عندك كوانزو في شارع مشهور اسمه شارع بيجن لو سوق كبييييير وفي اغراض حلوه ورخيصه مررره وفي مليااااان اسواق في كل مكان في كوانزو هما عندهم مثلا سوق كامل للجزم وسوق كامل للملابس وسوق كامل للاكسسورات يعني مصنفه مو كل شي مع بعض وهذا الشيء ممكن مايعجب ناس بس بالنسبه لي احسه مره احسن

    وبالنسبه للفنادق عندك موقع بوكنج شوفي منه انا عن نفسي رحت فندقين فقط وبعدين سكنا في شقه عشان مده اقامتنا طويله

    اول فندق رحته اسمه

    Guangdong Victory hotel

    جدا رائع ومطل على نهر بيرل ومكان جدا راقي وسعره اعتقد لليله 450 رمببي

    والفندق الثاني ماكان قد كده وبعدين اليوم الرابع سكنا شقه مفروشه

    وبالنسبه للاماكن السياحيه اغلبها مسافه ساعه اوساعه الا ربع من كوانزو عندك مثلا جبل بايون

    وكمان ملاهي شيمي لونج برادايس

    ولاتفوتك سفاري بارك اكبر سفاري بارك في العالم بعد سنغافورا

    وكثيييير اماكن وبالنسبه لاسعار الدخول الملاهي وسفاري ماتتجاوز 180 رمببي للشخص وبصراحه تستحق المبلغ واكثر الملاهي بالمبلغ دا تلعبي كل الالعاب الحلوه وكمان حتى السينما 4 d شامله لها

    وممكن في داخل كوانزو الحدائق الجميله للزهور والطبيعه الحلوه وبعضها بدون تذاكر دخول وبعضها ب 10 او 5 رمببي للشخص وانا بصراحه مارحت الحدايق دي

    وبالنسبه للامن فانا احسها بصراحه للبنت اكثر امن من السعوديه لافي معاكسات ولاقرف انا اقصد احسن من السعوديه من ناحيه المعاكسات

    وبعدين في كل كم متر في كاميرا والناس مرره تترعب من الشرطه يعني محد يقدر يتعرضلك لان الكميرات في كل مكان

    والاجواء حلوه بصراحه شهر ماي شفنا الفصول الاربعه كلها فيه امطار اغلب الشهر واجواء تجنن

    واي سؤال انا في الخدمه
  2. @aaashk_alfrdos_12

    نسيت كمان بالنسبه للمواصلات عندك كل انواع المواصلات التاكسي يفتح العداد ب 7 رممبي وترا مو غالي مره يعني داخل كوانزو الروحه ممكن 30 رممبي وااذا ملاهي برا كوانزو اعتقد 150 رممبي وممكن تستأجري سياره كبيره مليان في كوانزو بس غاليه شويه 200 او 300 رمببي بس يكون معاكي يوم كامل كل المشاوير

    او ممكن بالباص برضه رخيص مره

    او ممكن بالمترو وهو مررره رخيص وان شالله اكون افدتك

تابعي تجارب أخرى من هذا القسم.