هالكلام من حماتي قهرررني تعالوا قولولي يقهر والا عادي

بنات بصراحة ما قدرت انام ولاني ماعندي احد افضفض له قلت بقولكم السالفة وقولوا رايكم
نحنا نتجمع عند اهل زوجي واليوم جت اخت زوجي عندهم ولدي الكبير عمره اربع سنوات توه كمل اربع الشهر هذا وباقي صغير مايفهم في الجنس والاختلافات بين البنات والاولاد لان ماعندنا بنات باختصار باقي صغييييييييييييير بنت اخوها عندها ولد عمره سنتين وراحوا يلعبون الاولاد في المجلس عادي البيت مليان بزورة بعدين سالت بنت اخوها قالت ولدك الصغير فينه قالت في المجلس طبعا خرجوا الاولاد مابقي الا ولدها وولدي قالت في المجلس مع فلان قالت رووووووووحي جيبيه لاتخلينهم لوحدهم حتى قالتها بطريقة ياساتر بدون احترام هي استغربت قالت ليش قالت لاتخلينهم بعدين اقلك ليش
انا استغربت في نفسي ليه ولدي وش بيصلح للولد وهي اكثر من مرة تلمح بذا الكلام انا انقهرت وماعرفت ارد لاني على نياتي بس لما رجعت البيت حزت في نفسي انا اعرف ولدي ومربيته الحمدلله مو جايين من بيت دعارة ولا من الشارع وهي عندها ولد في المدرسة لو احد يلمح بزي هذا الكلام قتلته
انا تربيت في بيت كله اولاد وفاهمة وعارفة كل شي عنهم ومتى تبدا ميولهم الجنسية والاكتشاف باقي بدري عليه وعنده اخوان واحدسنتين واحد اصغر ولاقد شفته حتى يطالع في شي خاص وهو على نيااااته مره
ايش رايكم ؟؟

30 تعليق 3,589 مشاهدة

شاركي في النقاش

سجلي الدخول لإضافة تعليق.

التعليقات

29
  1. يمكن شايفه ولدك مسوي حركه

    يمكن ولدك شايف أحد مسوي شئ وقلده

    اسأليها اذا هي شايفه على ولدك شئ

    مو تجلس تتكلم عند الناس وانتي ما تدرين

    يا تعرفين وش مسوي ولا تسكتينها
  2. @am_hsomty

    صاحبة الموضوع
    ترى الدنيا ما تسوى
    يمكن شايفه ولدك مسوي حركه يمكن ولدك شايف أحد مسوي شئ وقلده اسأليها اذا هي شايفه على ولدك شئ مو تجلس تتكلم عند الناس وانتي ما تدرين يا تعرفين وش مسوي ولا تسكتينها
    لا ماقد سوى شي ولو صار شي كان قالت على طول بس هي من النوع الشكاك مررررررررررررة
  3. حبيبتي ماعليك منها طنشي ولا كانك تسمعين بس اهم شيء لا تشيلين بقلبك وتتوترين على ناس ماتسوى
    لو بتحطين اذنك للرايح والجاي بتتعبين

تابعي تجارب أخرى من هذا القسم.