ردو علي انا انتظركم

يعني اذا تطلقتي مانك شايله ديونه معاك وتتسددينها من جيبك وهو يروح يتزوج وينبسط من الفلوس اللي جمعها منك وانتي جالسه في بيت ابوك بحسرتك اتسددين ديونه وتسمعين اخبار زواجه وانتي تتكفلين بتربيه عيالك وتكوني السبب في شتاتهم علشان اخوه ماطلع من بيتكم ولعلمك العله في زوجك مو اخوه يموت فيهم ويبغاهم يرضون عنه حتى لو بفلوسك
وبعدين مادام الشغاله قايم فيه ويش عليك منه انا كان عندي اخوزوجي جلس عشره سنين صارت مشاكل كثيره بينا بسببه اخر شيء كبرت راسي واعتبرته مو موجود اصلا والحمدالله هم وانزاح من راسي مادام في غرفه الضيوف خلاص ليش تكبري المشاكل وتوصل للعناد وتكبير الراس راجعي موقفك وشوفي مكسبك وخسارتك ولاتخلين المسأله توصل الاهل تراها فيها خراب بيوت وديون عليك وزوجك مو خسران شيء
انتي كل المسأله انك حطيتيه في راسك وزوجك اخذها عناد
شغلي القران الزلزله وسوره البقره وان شاء الله ينزاح عن طريقكم واكثري من الاستغفار
الله يعينك من جد فعلا اخو الزوج جهنم مو نار ومايحس فيها الا اللي فيها

مشكوره حبيبتي على الرد ويارب انه يتزلزل وانا ارتاخ واتا ادري ان المشكله زوجي ماهو اخوه وعلشان كذا مقهوره وزعلانه

مشكلتي كانت نفس مشكلتك ومو اخو واحد لا 3 من اخوانه جاء الاول ودرس عندي 3 ثانوي جلس عندي سنة وبعدين راح وبعدين جاء الثاني ودرس 3 سنوات معهد عندي بنفس البيت وبعد ماتخرج راح وجاء الثالث ودرس معهد جلس عندي بنفس البيت 3 سنين يعني 7 سنين وهم واحد رايح وواحد جاي وانا متعبه نفسي معاهم بس الثالث خلاااااااااااااص تعبت وقلت طفح الكيل مقدر اتحمل تحملت كثير عشانك بس اشوفها طالت واخوانك مو راضين ينتهون قال لي تحملي هذا اخر واحد صبرت وتحملت عشانه بس والله الاخير ولا كأنه موجود في البيت كل شيء تسوي له الشغاله والحمد لله انتهى من دراسته وراح وبعد كذا تقابلت مع سلفاتي وجات السيرة ان واحد من اخوان زوجي راح يدور له وظيفة قالت وحده فيهم انا قلت لزوجي لو يروح عند اخوك فلان تقصد زوجي قلت خير ان شاء الله وليش بالذات عندي ليش مايروح عندكم والا عند وحده غيري قالت لا بس انتي خلاص تعودتي عليهم قلت لى ياقلبي انا اذا تحملتهم تحملتهم عشان زوجي مو عشان شيء ثاني واذا احد جاء ثاني ماراح ارضى بهالشيء رحت قلت لزوجي نفس الكلام قال لا خلاص لا تخافي بحسب حسابي .. والله مايحس بالنار الا واطيها بس انتي تحملي عشان زوجك وعشان عيالك واعتبريه مو موجود ولمن تروحي لاهل زوجك لمحي لهم انك متضايقه من جلسته عندهم وخلي عيالك يقولون لعمهم كلام يهزه مثلا انت ليش ماتروح لجداني ليش لمن تجي عندنا تطول وكذا يعني يمكن يحس وينقلع عنكم واذا ماحس تحملي وبعدين راتبك لك انتي لاتسددين عن زوجك شيء عشان بعدين ماتندمين ................

الله يكون في عونك حبيبتي :44:

من الحين لين الاختبارات يفرجها لك ربي

انت الزمي الاستغفار واكثري الدعاء

لا اله الا انت سبحانك اني كنت من الظالمين


ان شاء الله ما تعدي الاختبارات الا وامورك تمام التمام