بنات ..أنا منقطعه عن التعليم من عشر سنين ........

السلام عليكم ورحمة الله وبركاته


ممكن أطلب منكم خدمه ..

أنا منقطعه عن التعليم من عشر سنين وأبغا أرجع أكمل دراستي .وأبغا أعرف وش الأجرائات
الازمه لأستكمال عودتي . :rolleyes:
بتقولولي أطسلي بمكتب التوجيه والأشراف ؟..أطسلت بس محد يعطيني وجه الكل بيصرفني فقلت مالي ألا أنتم.
وأنا معي ثاني ثانوي علمي ودرست ثالث ثانوي بس رسبت في مادتين . ممكن توجهوني وتعلموني وش أسوي .
وبعدين سمعت بس مني متأكده هل ألي ترسب وتجي السنه ألي بعدها تقدم أمتحان في الماده ألي رسبت فيها ولا تمتحن بقية المواد الثانيه ؟
وهل ينطبق على هذي الأمر ولا ....لا .
نكفون يا بنات لاتخلوني أنا بأمس الحاجه لمعلوماتكم فلا تبخلو علي.
وشكرا لكم .

:3_3_103:

8 تعليق 1,373 مشاهدة

شاركي في النقاش

سجلي الدخول لإضافة تعليق.

التعليقات

8
  1. @naw

    صاحبة الموضوع
    يااااااااااااااااااااااا
    بناااااااااااااااااااااااااااااااااااااااااات :06:
    وينكم . عسي ماهو صعب وأنا ما أدري .
    ياااااا عزتالي
    تكفون أجبرو بخاطري. :(
    وردو علي
    أرجوكم
    أرجوكم
    أرجوكم :44:
  2. @soso_obs2006

    اهلين اختي صدقيني حاسه فيك انا انقطعت عن الدراسه للمده ست سنوات والسنه هذي رجعت والحمد الله اموري طيبه ........انتي في الر ياض.شوفي اكيد عمرك فوق العشرين وانتي تبين انتضام يقبلونك تعليم الكبيرات ومافيه فرق بين التعليم العام والكبيرات بلعكس انواع التفهم والمعلمات شي ماتتصورينه مساعده ومراعاة خاصة ان البنات بعضهم متزوجات ...في الرياض سمعت ان مافيه الا اربع مدارس الثانويه. في الجنوب ....البديعه .اليمامه.وفيه في الوزارات ....هذا الي سمعت من البنات وخذيها مني. روحي المدارس مباشرة. وصدقيني راح يسجلونك مباشره السنه الجايه. إن شا الله.وانا عندي في الفصل بنت لها 15 سنه منقطعه وماشا لله ماخذه الثامنة ...... و ذا انتي تبين مدارس الصغيرات مايقبلونك الا منازل وصدقيني المنازل متعبه وقليل الي ينجحون فيها........والله مارديت عليك الا انا ابي افيدك ومريت بشي هذا .......واي شي تبينه امري..... والله يوفقنا الجمعين........لا تنسيني من الدعاء :27:
  3. @naw

    صاحبة الموضوع
    هلا والله عمري .....سوسو وبس ....جعل عيني ماتبكيك يوم نظرتى في موضوعي وحنيتي علي .
    قولي أمين ..يارب ( أنك تفتحلها أبواب السما وترزقها من أوسع أبوابه ياكريم , وتبعد عنها أشرارخلقك وتكفيها بحلالك عن حرامك ) .

    عيوني بسألك هم طلبو منك أوراق تجيبيها من الرئاسه , وش قالولك.
    وبعدين توني أسمع بمدارس للكبيرات , أنا بشمال تهقين في مدرسه بشمال وخاصه من يم صحاري زي منتي عارفه المواصلات عندي صعبه .
    ونتي وش رايك بل مناهج تهقين تغيرت ولا بعدها علي خبري من عشر سنين .
    وهل تسهلت , و هل في مواد زادت ولا نقصت . زي منتي خابره أنا أنقطعت ولا حولي أحد يدرس ألا ألهم بالمتوسط والأبتدائي ولا ناس تخرجو وقعدو .

    وشكر لك علي لطفك وسماحتك.
  4. هلا حبوبه


    الله يوفقك في هالخطوه الممتازه

    شوفي عندك مدارس تعليم الكبيرات اسهل وازين
    يعني ماتقعدين مع بنات صغيرات
    الاغلبيه امهات ومتزوجات
    بالنسبه للمنهج فيها نفس مناهج الصغيرات
    لكن المعلمات متفهمات اكثر لحالتك

    فيه مدرسه في العليا
    اعتقد عند سكن الجامعه اذا ماني غلطانه اسألي وراح تلقينها بإذن الله
    او المعذر
    وين؟؟
    مدري بالضبط


    وبالنسبه للمناهج سهله بإذن الله
    بس شدي حيلك عشان يفخرون بك عيالك عزيزتي

    الرياضيات سهله انشاء الله بالمذاكره السنعه
    والمواد العلميه كلها
    ذاااااااااااكري وتنجحين
    وانا شفت امثله كثيره للتعليم المتأخر
    وحده منهم الحين مدرسه ووحده في الجامعه
    وحده في الثانوي
    واعرف وحده تخرجت علم نفس وماشاء الله درست
    ووحده ام عيال عيالها عندهم عيال كملت ثانوي والحين بتدخل الجامعه

    اهم شئ توكلي على الله
    ولاااااااااااااااتستسلمين

    والمواصلات لاتكون عائق لك

    بالتوفيق عزيزتي

تابعي تجارب أخرى من هذا القسم.