هل هذامن التربيه ولاشطانه ابي افهم

امس في الليل كنت طالعه انا وزوجي وعيالي بمنتزه وفيه العاب هوائيه الدخول بعشره ويحطون طبعه عل
ى
اليد عشان الطفل يطلع ويدخل ع راحته وبنفسه دبابات اللعب بعشره المهم كنت الاعب عيالي ولما جيت اطلع
لقيت عند الباب بنت يمكن عمرها سبع اوثمان سنوات قالت لي معك خمسه ريال
قلت ليش قالت ابي العب قلت ليش وين ابوك (لان شكلها موفقيره ابدا)
قالت ابوي ماجاء معنا بس خواتي فيه ومامعهن بصراحه حزنتني
ورحت وجبت لهل خمسه
البنت راحت واقنعت العامل اللي يشتغل انها تلعب دباب بخمسه
وانا بحكم جلستنا كانت قريبه من الالعاب كنت اناظرها بسهوله
وبعدماخلصت راحت تكمل العابها الهوائيه يعني كانت اصلا تلعب بس تكذب
عشانها كانت تبي الدباب
المهم بعد فتره رجعت تطلب العمال انها تلعب مره ثانيه ولو تشوفون شكلها وهي تمسك بايدين العمال كان تشبون نار من جوا
اااااااه يابنات العمال قاعدين يدفونها يبونها تروح عنهم وهي من واحد للثاني لاوقاعده تسوي حركات عشان تكسر قلوبهم
وبعدها شفتها راحت تطلب حرمه فلوس عشان تلعب للكن ماعطتها المشكله معها بنات يلعبن ماادري خواتها اوقريباتها
بس هي شغلها الشاغل تمسك يدين العمال عشان يلاعبوها
بصراحه انا انحرقت وكنت ابروح اكلم امها قلت اكيد ماتدري عنها
وبعدين قلت لا خليني امسك وحده من خواتها واقولها بطريقة نصح
بس ترددت واخرشي شفت امها وقلت الحممممممممدلله اني مارحت لها لان شكلها كان يخوف
ولواني رحت لها كان هاوشتني خخخخخخخخخخخخ
وجلست ادعي ان عيالي مايصيرون مثل هالبنت وخفت عليهم بصراحه

ابي افهم الحين هل هذا راجع للتربيه او شطانة من البنت لاني فعلا فعلا خاااااايفه ع عيالي
ولو انتم بمكاني كيف تتصرفون
وانتم تشوفون هالبنت تترجى هالعمال والحمدلله انهم مااستغلوها بشي ولا الدنيا تخوف مالهم امان
ابي ردودكم

33 تعليق 3,183 مشاهدة

شاركي في النقاش

سجلي الدخول لإضافة تعليق.

التعليقات

31
  1. @noooshh_3

    يارب لا تبلاني بمثل هالاطفال
    اكيد ياحبيبتي التربيه لها دور
    اعرف بنوتات صغار من كثره حياهن من الرجال ماتكلم حتى خالها
    تستحي منه
    المفروض الام تعلم بناتها مايتكلمون مع اي رجل مين ماكان
    وليش ماهي معهن في الا لعاب وشلون تاركه بناتها يسرحون ويمرحون!!
    ارجع واقول ياربي لا تبلانا
  2. @hoay_alshkh

    التربيه تحتاجها الأم لكر تربي أولادها وإلا أترك البنت تسرح مع العمال علشان توسع صدره
    الله لايبلانا هذولا ذمه في أعناقنا الله المستعان
  3. @naaomh17

    لا حول ولا قوة الابالله

    ضيقتي صدري خصوصا يوم قلتي تمسك يدينهم عشان تلعب
    طيب لو كبرت البنت يسير ماعندها حياء وتسوي اي شي عشان ال تبغاه يار ب اهديها واهدي امها واخواتها وجميع المسلمين

تابعي تجارب أخرى من هذا القسم.