شاركي في النقاش

سجلي الدخول لإضافة تعليق.

التعليقات

63
  1. @mnoolh2008

    صاحبة الموضوع
    خوخه بس منجا
    الله يجزاكم خير في اي شهر ابدا اراجع بالعسكري بالرياض لاني ابي اولد عندهم بس مابي اروح بدري
    راجعي عندهم من الأن هذي نصيحتي لك وكملي مراجعاتك في الخاص اذا حابه ,, صحيح زحمه العسكري بس والله مراجعتهم تمام مرررررررره وكل كلامهم صحيح مو زي الخاص اللي يسون لك من الحبه قبه:)
    وانتي واللي يريحك
  2. @mnoolh2008

    صاحبة الموضوع
    حلاوة وسكر
    والله انا القابله نيجيريه وحسبي الله عليهم مايخيطوني لاداخلي ولا خارجي يمكن عشاني مو من فئه vip واذكر وحده تشكي لي تقول جيت اولد عندهم وانا ماراجعت وقت الحمل تقول انواع الاهانات عطتها اللممرضه كف على وجهها وولدوها بالسيب وفي ذمتها الكلام …
    هلا اختي ,, معليش خويتك هذي سوت فيلم هندي بالله كيف يعطونها كف على وجهها ويولدونها بالسيب بس خليها تفهمك كيف ولدوها بالسيب ,, صدقني مستحيل هذا الشي يصير والله الاسياب حقت الولاده فاضيه وكل وحده تولد في غرفه لوحدها بعدين يطلعونها في التنويم انا موظفه واشوف كل شي ,, وللمعلوميه انا ماولدت ولاتنومت في كبار الشخصيات بالعكس كنت في نفس مبنى الولاده العادي..

    بعدين الممرضات على حسب اسلوبك انتي والله اشوف حريم يصيحون عليهم ويعلمونهم شغلهم وتكون نفوسهم شينه حتى ع القابله ,, صحيح الوحده تكون في وضع نفسي سئ من الالم بس هذا مايعطي الوحده الحق في انها تصيح وتشتم وتسب والله العظيم يوم كنت اصيح من الالم انهم كانوا يمسكوني الممرضات الين تروح الطلقه مني والقابله كانت تهديني وتمسكني وتخفف علي واللي تخيط سعوديه وكل كلامها زي العسل ..

    واللي عندها تجربه مافي مانع تذكرها بالعكس نستفيد من بعض ,,
  3. @mnoolh2008

    صاحبة الموضوع
    شامواة
    والله بالنسبة لي الحمام اشوفة كل شوي يغسل...ويحطون مناديل وفوط صحية ومعقم .....والزبالة كل شوي يغيرونها... اصلا يخافون من رئيسة القسم لانها كل شوي تمر وتشيك على الغرف
    بالعكس كانوا موفرين كل شي في الحمام مناديل وفوط وصابون وشامبو صغير وكل يوم عاملات النظافه يدورون ويغسلون الحمامات ويحطون مناديل وفوظ وصابون اصلا هذي مسئوليه عليهم لو لقوا اي حمام وصخ او ناقصه شي وكل وحده تنظف حمام تكتب اسمها وتوقع والوقت اللي نظفت فيه وفيه مسئوله عنهم تحاسبهم على كل صغيره وكبيره ,, وهذا الكلام يمشي على كل اقسام المستشفى حتى دورات مياه الموظفين مو بس المرضى

    واللي سألت عن الخياطه هم يسون داخليه وخارجيه ,, انا بكر ,, انتي اطلبي القابله وانتي تولدين انها تجيبلك دكتورة تخيطك بعد الولاده وراح تجيبلك ,,


    اللي تقول مايعطون مسكن ,,, يحطون الكمامه ,, ويعطون مسكن ابره في الفخذ ,, واذا القابله نسيت او ماعطتك مافيها شي لو قلتي لها ابي ابره مسكن بتجيبها لك ..

    والدكتورة اللي تخيط ماتطول تجي بعد الولاده على طول بالكثير نص ساعه و تخيطك..

    لاتفكرون انه مستشفى ابوهم يوم يصيحون عليكم والا يضربون زي ماذكرت وحده من الاخوات ,, كل الحكايه استخيري ربك وتوكلي على الله وادعي بالتسهيل وان ربي يسهل كادر كويس ,, وخلاص

    واذا وحده قلت ادبها او تطاولت لك الحق انك تشتكينها والموضوع سهل وانتي تراجعين فترة الحمل تلاقين في الانتظار اوراق مكتوب عليها رقم للشكاوى موزعين هالورقه في كل مكان وهذا الرقم خاص بشكاوي العاملين في الحمل والولاده .. اتصلي اشتكي وشوفي بيردون حقك لك ,,

    وهذا دليل انهم مايرضون الغلط على المرضى ابدا العقوبات رادعه والله العظيم والكل يخاف من شكاوي المرضى
    لأن الامر بالعقوبات جاي من مدير المستشفى الاسمري ومعمم على كل الاقسام ..

    والله يسهل للجميـــــــــــع ,,

    اخت شامواه مشكوره ياقلبي انك رديتي ع الجميع :26: ولو مارديت خذي راحتك وردي بدالي ..
  4. @kyany_hyaty

    بس الصراحة إذا كان فيه زحمة مايعرفوا يتصرفوا أبدا أبدا لدرجة إنهم والله العظيم شفت هذا المنظر قدامي كان يولدوهم في الطوارئ لأن الغرف كلها مشغولة فاضطروا يولدونهم والباقي اللي يتألمون ذبحهم الطلق ماحد أعطاهم وجه لدرجة إنو وحدة نزلت موية الجنين والله تصب صب وهي تنادي سستر سستر ولا وحدة عبرتها وكل اللي في الغرفة ينتظرون ينادوا معها متشفقين عليها دكتورة موية الجنين خلصت عليها شوفوها تحت وطالعتلها الدكتورة ورجعت تكمل في الأوراق أقسم بالله هذا اللي شفته بعيني وبعد هذا كله جت وحدة ومعاها جهاز مدري وشو وقفلت عليها الستارة وبتولدها في مكانها لاطلعوها فوق ولاشي بيولدوها في قسم الطوارئ وعلى فكرة أكثر المنتظرات وقعوا طلوع على مسؤليتهم من اللي شافوه واللي طلقها برد من المنظر والحال حال ماأقول إلا الله يعين وييسر لكل وحدة وماتصير زحمة في يوم ولادتها والسموحة لو خوفتكم بس اللي بتولد أنا ماحكيت عن توليدهم حكيت عن معاملتهم وبرودهم وبس والله يقومكم بالسلامة ويسخر لكم الطيبين من عباده على فكرة هذا الكلام صار من يومين وأي وحدة حظرت المشهد تقولهم الأكشن الباقي لأني روحت ماأدري وش صار في الباقييين والسلاااام

تابعي تجارب أخرى من هذا القسم.