اعطوني حل يابنات زوجي والحمل

السلام عليكم ورحمة الله وبركاااته
كيفكم يابنات وش اخباركم
تكفوون يابنات مالي غيركم بعد الله انا في حيرة حيرة شديدة وعجزت عن التفكييير
ياليت تقولولي الراي السديد وتدلوني عالصح
انا متزوجة من 6 سنوات عندي ولد واحد الحين مع بدايه السنة ان شاء الله بسجله بالروضه
انا ودي احمل يابنات ودي اجيب اخ او اخت لولدي
وزوجي رافض مبداء الحمل تماااما والاسباب احس انهااا مدري كيف ابد مو مقنعه
اول شي خلافه مع اهلي ويقولي اذا جيتي تولدي اكيد بتروحي هناك وتقعدي شهر وذا مستحيل يصييير لو تبغي شغالتين باجيبلك بس وش يضمني انك ماتكوني عند كلمتك معي وماتروحي لهم
مع العلم انه علطووول يوديني بيت اهلي وازورهم وعلاقته مع بعض اخواني ممتازة جدا ونزور بعض ونكلم بعض بس مايحب اني انام عندهم مرة مرة ويقولي مع ولادتك الاوله غصب عن خشمي رحتي بس الحين انا مابي عيال خلينا نربى ولدنا ومو لازم نخلف وانا وش يضمن لي ان اهلك مايقولولي نبي بنتنا تولد عندنا وبتصير مشاكل واهلي بيضغطوا علي اوديك لاهلك
ودايم لمن نتكلم عن مستقبلنا بس يقولي نربي ولدنا ونهتم فيه وندرسه احسن تدريس ولايفكر انه يجيبله اخ او اخت ولاحتى يطري انه يفكر يجيب عيال غير هالولد وولدي يابنات يقولي اشتريلي نونو زي النونو حق خالو <<والله لو انه شراء كان شريتلك ياقلبي
انا مركبه لولب وفي هالايام افكر اشيله واقوله سببلي التهااابات واحمل واحيان اتراجع دلوني يالصح
واعذروني كلامي ملخبط مررة والله مو عارفه وش اقول
مع السلامه دعواتكم لي

70 تعليق 7,828 مشاهدة

شاركي في النقاش

سجلي الدخول لإضافة تعليق.

التعليقات

70
  1. @sodt_ogh_alghla

    زي ماقالت الاخت قولي له انك بتكونين عنده ماراح تروحين لاهلك وهم ماراح يعترضون لانه اللحين صار شي عادي البنت لاولدت تكون في بيت زوجها غير البكريه وبس
  2. @mlak_sdyr

    والله الموضوع سهل ياقلبي
    احكي قدام اهل زوجك واهلك ان اذا حملتي بتولدين ببيتك اريح وبطلب زوجك
    هم خلاص ماراح يتدخلون
    وانتي اعطي زوجك وعد تولدين ببيتك اذا خلاص بيجيب لك خادمه تخدمك
    والله حرام تحرمين ولدك من يكون له اخوان واخوات علشان سبب له حل مايحتاج تفكير
    الله يرزقك الذريه الصالحه المعافاة
  3. صراحه سببه غير مقنع مره
    الله يهديه لك
    وعساه ينطقها ويريحك
    ابيك تحملي
    وتجيبين درزن عيال ونامي انتي وهم عند اهلك(عاد ذي مزحه)

تابعي تجارب أخرى من هذا القسم.