هلااااا خواتي بنات حواء الغاليات العزيزات << تتميلح علشان ماتنازعوها...
انا صار لي من زماااااان اتابعكم بس الحمد لله ما عندي مشاكل ...
بس الحين صااارت لي مشكله
بخبركم بالقصه من البدايه
هذااا يابنات انا لما كنت فالمدرسه فالابتدائي والمتوسط كنت اكسل طالبه وكنت انجح بالدف << الله بالستر
المهم طبعا انا علشان اكون صريحه بخبركم بالحقيقه المره انا رسبت فاول متوسط ورجعت فصلي لسنه الثانيه << اشوه اهون من بنت عمي كل سنه تعيد السنه
لكن فاول ثانوي بداااء عقلي ينفتح وبدت تطلع فيه ليتات والحمد لله صرت من المتفوقات ودخلت الجامعه
وتزوجت ولد جيراننا المجتهد الذكي اللي ما رسب ولا سنه وزوجته الطماط كان مالي شهادتها
الحين زوجي ما كان يعرف اني كنت راسبه وان لي سوابق مع الطماط
وهووو معجب كثير بذكائي وداايما يمدحني عند امه وخواته وعند اهلي << بلااااه ما يعرف المستور
وانا احاول باااي طريقه ان زوجي ما يكتشف الماضي الاسود ولما يمدحني جدام اهلي يقول حبوبه ذكيه اغير السالفه على طوووول لان اخواني اعرفهم ياحبهم لتحطيم ما يهمهم رغم انهم كلهم كانوا فاااشلين فالدراسه بس فالثانويه ما اعرف ويش يصير لناااا ؟؟ننجح فجاه
واحذر زوجي اقوله لاااااا تمدحني جدام حد خصوصا اهلي احب اكون متواضعه دايما << خربت على نفسي كان يمدحني جدام اهله صااار ما يمدحني مصدق فديته
واخواني كلهم معلمين وزوجي معلم وانا معلمه ولما نفتح النقاش عن الطالب الكسول وكيف ممكن نحل مشكلته اناااا اغير السالفه على طووووووول:09:
اخااااف اخواني يضربوا فيني المثل بس هم كانوا راسبين اكثر مني
الاسبوع اللي طااااف كان اخوي يتعشى معنااا وهو صديق زوجي المقرب فاااخوي يقول ان ولدنا بيطلع ذكي على ابوه طبعا زوجي يحب الايثار امحق ايثار .. قال: بكل ثقه الااااا بيطلع على امه..
طبعا اخوي هناااا ضحك باااعلى صوته قااال وشو ؟؟
امه كانت غبيه ترسب ... :arb: بس ما صدج وما اهتم اصلا
وانا اخ كانك صبيتي فيني ماااي حااار ... ياخسارة العشاء اللي
سويته له فالنهااايه فضحني ..
بعدين زوجي لماااا شاف شكلي طلعن فيه خطوط ماروكو من الاحراج ولما راح اخوي يبي يخفف عني قالي عادي لاتزعلي من اخوك(لاترمى الا الشجره المثمره ) وانا عااااد كبر راسي صار كبر الجدار وقال عااادي حتى اناااا كنت اتريق على خواتي مع العلم خواته كانن من الاوئل خفف عني وانا فخاطري اقول << بلاااك ماتعرف الحقيقه
المهم اليوم قلت له انا ابي ادرس ماجستير قالي انتي ماتشبعي دراسه كنتي فالمدرسه 13 سنه والجامعه 4 سنوات والحين تبي تدرسين ؟؟
اناااااااا هنااااااااا جاتني صدمه وحسيت وجهي طاااح تهجون قال 13 سنه ليه ماقال 12 سنه اكيد يعرف اني راسبه سنه لان الناس تدرس 12 سنه ...
شو رايكم
اعترف بالسر الكبير والله يعيني على تمنذيلته وتريقته ولااااا اصبر واتمسك انا اخااف اخوي قايلله واناااا مااعرف:44:
علماً ان صااار لنا 5 سنوات متزوجين وما اعترفت بها السر هل استمر ام اتراجع
لااااا تقولوا لي ايام الدراسه عدت وخلاص كنا صغار زوجي يعاااير بيعايرني
شاركي في النقاش
سجلي الدخول لإضافة تعليق.
التعليقات
119- ههههههههههههههه والله انك توحفه ليتك تشوفين شهاداتي هههههههه
- هههههه
ياحلوك انتي ومشكلتك
والله اشوفك شايله هم مايسووووى ابد
عادي قولي له كنت ذيك السنه تعبانه وكارهه المدرسه عشان كذا رسبت
والدليل اني كملت دراستي وللحين فيني حب التعليم هع
الله يخليكم لبعض - ههههههههههههههههههه
نصيحه لاااا
بس السالفه مهدده بالانفضاح باي وقت
الله يعينك - ههههههههههههههههههه سر خطييييييييييييييييير
خليك على حالك هو اصلا عارف
ربي يخليكم لبعض & يهنيكم - هههههههههههههههههههههههه
ضحكتيني والله الله يسعد قلبك ياعسل
ماشاءالله عليك مدرسه قد الدونيا الله يحميك
والله لو انها 15 مو 12 العبره بالخواتيم على قولة جدتي
مواضيع مشابهة
تابعي تجارب أخرى من هذا القسم.